|

Хөлдөж үхсэн М.Мөнхзаяа хүү амьдралд эргэж ирсэн түүх

Та энэхүү бичлэг үзэхийн тулд FACEBOOK - д өөрийн ПРОФАЙЛ эрхээр нэвтэрсэн байх шаардлагатайг анхаарна уу!

 

Тэсгим хүйтэн 1987 оны нэгдүгээр сарын 30-ны орой 21 цагийн орчимд дөрвөн настай хүү М.Мөнхзаяа Буянт сумын төвийн захад согтуу хэвтсэн эцгийнхээ дэргэд осгож ухаангүй болсон байв.

Тэр шөнө хөрсөнд 28.6 градус, агаарт 34 градус хүйтэн хоножээ. Өглөө 8 цагийн орчимд эцэг Монцоо тэрийж хөлдсөн, ажиглахад амьсгалгүй болсон хүүгээ тэврэн сумын эмнэлэгт хүрч очив. Хүмүүс хүүхдийг үзмэгц осгож нас баржээ гэж харамслаа илэрхийлцгээж байсан гэнэ.

Аймгийн Нэгдсэн эмнэлгийн ерөнхий эмч Ц.Даариймаагаас Буянт сумаас аймгийн төв орох замд хүүхэд осгож хөлдсөн дуудлагыг авсан Б.Отгоншар эмч Буянт суманд яаралтай очиж хүүхдийг үзэхэд бүх бие нь мод болтлоо хөлдсөн, гар, хөл үе мөч хөдөлгөөнгүй, нэг гараас нь татахад бүх бие нь өндийн босч байжээ.

Зүрх уушгийг нь чагнахад ямар ч авиа сонсогдохгүй байсан гэдэг.

Крантны хүйтэн усаар ванн дүүргэж бүх хувцсыг нь тайлж, хоёр чихийг нь бөглөөд, хамрыг нь гаргаад хоолой хүртэл нь хүйтэн усанд хийж 3 цаг гаруй байлгаж ажиглалт хийжээ. Үе үе үзлэг хийж ажиглаж байтал амьсгал зүрхний үйл ажиллагаа сэргэж эхэлсэн аж.

Наркозын эмч Баатаржаваар эгмийн доод талын венийн судсанд хатгалж хийлгүүлж, гуурс тавиулаад дөнгөж бүлээсгэсэн шингэн хийж, бусад амьсгал зүрх, судас дэмжих эмчилгээ хавсруулан хийсэн байна.

Хүүхдийн зүрх судас, амьсгал жигдэрч, хүүхдийн бие бүрэн гэсэж хөдөлгөөнд орж, нүд нь эргэлдэж, эргэж хөрвөж байснаа "би шээе” гэж хэлсэн гэнэ. Эмнэлэгт 4-5 хоног эмчлүүлээд гэртээ харьжээ.

Энэ тухай ШУА-ийн ажилтан, кино найруулагч Наваан Xовд аймагт ирж "Дахин төрсөн хүү” баримтат кино хийжээ. Болгар, Чех, Оросын хэвлэлүүдэд бичигдэж тэр үеийн Хүүхдийн төлөө төв комиссын дарга Ю.Цэдэнбал, Филатовагаас Б.Отгоншар эмчид талархал илэрхийлж байжээ.

Хөлдөж үхээд дахин амилсан хүү М.Мөнхзаяа 1987 онд Ховд хотын 5-р цэцэрлэгт орсон байна. Тэрээр Ховдын багшийн дээд сургууль төгсөж, Алтай сумын 11 жилийн сургуульд математикийн багшаар ажлын гараагаа эхэлсэн ба одоо Өмнөговь аймагт ажиллаж байгаа юм байна.

Updown.mn


335
  • Токио-д робот үлэг гүрвэлүүд үйлчилдэг "Хачин зочид буудал" нээгджээ /Бичлэг/ Үзсэн   571 2017-03-16
  • Цусан улаан сар дэлхийн хүмүүсийг айлгаж байна Үзсэн   780 2015-09-28
  • Маск - Шөнийн эрвээхэй Үзсэн   1484 2015-01-14
  • Амиа зогоох гэж ан хийдэг хүнийг анчин гэдэг,харин зугаагаа гаргах гэж том том машинаараа дайрж амьтан алдаг хүнийг хэн гэх вэ??? Үзсэн   1701 2014-08-12
  • Алтан баззерын эзэн- 2 настай бөмбөрчин хүүгийн үзүүлбэр Үзсэн   112 2019-12-13
  • Ангийн улирал 3 Монгол хэлээр шууд үзэх Үзсэн   1745 2016-07-01
  • Аюулгүй байдал таниас эхэлнэ Үзсэн   258 2018-12-07
  • Нүдэндээ ч итгэмээргүй юм , Гайхалтай Үзсэн   737 2014-08-22
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.