Гэрлэх саналаа маш өвөрмөцөөр тавьсан эр интернэтээр “од” болж байна

Ли Лойчлер гэгч эр дунд сургуульд байх үедээ сайн болж, үерхсэн найз бүсгүй Стути Дэвидсондоо гэрлэх санал тавихаар шийджээ. Ингээд маш мэргэн арга болсон нь яг одоо олон нийтийн сүлжээнд хамгийн эрэлттэй сэдэв болж байна. Тэрээр эхлээд Диснейн "Нойрсож буй гоо бүсгүй” хүүхэлдэйн киног өөрийн санаагаар өөрчлөн бүтээлгэж авсан байна. Дараа нь тэрхүү бүтээлээ найз бүсгүйтэйгээ хамт үзэж, яг хэрэгтэй мөчид бичлэгийг зогсоож байгаад гэрлэх саналаа тавьжээ.

Найз бүсгүй нь эхэндээ хүүхэлдэйн киноны үйл явдал эх хувилбараасаа өөрөөр өрнөөд байгааг анзаарч, ихэд гайхсан байдалтай сууж байж. Улмаар найз залуугаа гэрлэх санал тавьж, эргэн тойронд суусан үзэгчид бүгд өөрсдийнх нь сайн найз нөхөд, хамаатнууд байсныг мэдээд сэтгэл хөдлөл нь дээд цэгтээ хүрчээ. Төгсгөлдөө чимх инээд ч бэлэглээд амжих энэ бичлэг YouTube сүлжээнд тавигдаад тун удалгүй таван сая гаруй хандалт авчээ.