|

“Kia EV6 GT” загвар 2023 оны дэлхийн шилдэг автомашинаар өргөмжлөгдөв

"Kia” корпорацын "Kia EV6 GT” загвар Нью Йоркийн Олон улсын авто салонд зохион байгуулсан 2023 оны Дэлхийн автомашины шагнал гардуулах ёслолын үеэр 2023 оны дэлхийн автомашинаар шалгарч, гайхалтай амжилт үзүүллээ.

Оны шилдэг автомашиныг 32 орныг төлөөлсөн автомашины салбарын 100 шилдэг сэтгүүлчдээс бүрдсэн шүүгчид тодруулсан байна.

Шүүгчид дэлхий дахинд үйлдвэрлэгдэж буй төрөл бүрийн загварын тээврийн хэрэгслүүдээс шилдгийг нь сонгохдоо "Kia” автомашинууд нь тус брэндийн нийгэмд тустай инновацын шийдлийг үйлдвэрлэх хүсэл эрмэлзлийг дахин баталж, "Итгэл төрүүлсэн хөдөлгөөн” үзэл санаатай нийцэж буйг харуулсан хэмээн үнэлжээ.

Шагнал гардуулах ёслолын ажиллагааны үеэр "Kia” корпорацын ерөнхийлөгч бөгөөд гүйцэтгэх захирал Хо Сунг Сонг "Дэлхийн шилдэг автомашины шагналын шүүгчдээс ийм үнэлгээ авах нь асар их нэр нэр төрийн хэрэг юм.  "Kia” тогтвортой шийдлийн салбарт дэлхийд тэргүүлэгч болох зорилго тээн, шинэчлэгдэхийн хэрээр, бид хэрэглээнд төгс нийцсэн, ухаалаг байдал, технологи, загвараараа хэрэглэгчдэд итгэл төрүүлсэн тээврийн хэрэгсэл бүтээхийн тулд хүчин зүтгэсээр байна. Энэ нэр хүндтэй шагнал бидний стратегийн амжилтын бас нэн илэрхийлэл юм” хэмээн ярьжээ.

2023 оны дэлхийн шилдэг автомашинаар тодорсон "Kia EV6 GT” загвар нь 2022 оны автомашин болон 2023 оны Хойд Америкийн шилдэг хэрэглээний автомашин зэрэг өргөмжлөл хүртсэн жишиг загварын шилдэг шийдлийг санал болгож байна. Тус загвар нь 430 кВт хосолмол хүчин чадалтай, 365 секундэд 100 км/ц хурд авч, 260 км/ц хурдлах чадвартай. Түүнчлэн, бүрэн цахилган "EV6 GT's” загвар нь нэг цэнэглэлтээр урт замыг туулах чадвартайгаас гадна саруулхан интерьер, нарийн дизайнаараа уламжлалт түлшээр ажилладаг спорт автомашинуудтай ширүүн өрсөлдөж, ийнхүү ялалт байгуулжээ.

"EV6 GT” загвар нь хөдөлгөөн нь шинэ газар үзэж, шинэ харилцаа үүсгэж, шинэ мэдрэмж авах боломж олгодог хүний хөгжлийн түлхүүр гэсэн "Kia” брэндийн шинэ чиг хандлагыг илэрхийлэл болж байна.

"Kia” нь хэрэглэгчдэдээ сонирхолтой бүтээгдэхүүн, инновац шингэсэн автомашины өргөн сонголт, тав тухтай үйлчилгээ санал болгох замаар чөлөөт цагаа илүү үр бүтээлтэй өнгөрүүлэх боломж олгохыг зорьж байна.

1944 онд байгуулагдсан "Kia” корпорац өдгөө 52 мянга орчим ажилтантай. Зургаан улсад үйлдвэртэй тус корпорац нь 190 зах зээлд бүтээгдэхүүнээ борлуулдаг байна.

969
  • Хог хаях нь буян болжээ Үзсэн   1583 2014-09-05
  • Монгол эмэгтэйг зодож буй хятад хүүхэн Үзсэн   1327 2018-05-30
  • Индүү ашиглан үсээ буржийлгаx 13 арга/ Бичлэг/ Үзсэн   2193 2015-07-29
  • Марта, Эрка нар “Хар цагаан” дуугаа клипжүүлжээ Үзсэн   1680 2014-12-26
  • Сайхан түүхүүд шудрага зан 아름다운 이야기 Үзсэн   2014 2014-07-18
  • Дуучин Ууганбаяр, Түвшинсайхан нарын шинэ уран бүтээл "Хайр харц" дууны клип Үзсэн   1561 2014-10-31
  • Гайхалтай хаалтуудын бичлэг Үзсэн   999 2018-08-17
  • Иранчууд Ronaldo-гийн байрлаж буй буудлын дор шөнөжин бужигнав Үзсэн   1583 2018-06-27
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.