Хагас нүцгэн Кристиан Роналдо руу мөстэй ус цутгав /видео/

Хөлбөмбөгийн алдарт "Реал” клубын хагас хамгаалагч Кристиан Роналдо ALS Ice Bucket Challenge хэмээх хүмүүнлэгийн үйл ажиллагаанд оролцжээ. Дотуур өмднөөс өөр хувцасгүй тамирчин эр өөрийгөө мөстэй, цэв хүйтэн усаар булхахыг зөвшөөрсөн байна. Түүний энэхүү бичлэг YouTube-д хит болж, ганц хоногийн дотор хагас сая гаруй хүн үзлээ хэмээн Mirror-т мэдээлжээ.

Тэрээр "Би өөрийн буухиаг Женнифер Лопес, Бейонсе, Лили Уэйн нарт дамжуулна” гэж найзууд нь түүн рүү том ууттай мөстэй ус хийхийн өмнөхөн өгүүлсэн аж.

The ALS Ice Bucket Challenge үйл ажиллагааны гол зорилго нь өвчтнүүдэд туслах явдал бөгөөд оролцох нөхцөл нь ч их энгийн юм байна. Түүнд оролцогч нь мөстэй хүйтэн ус хувингаар өөр рүүгээ хийлгэх бөгөөд үүнийгээ бичлэг болгон интернетэд тавих үүрэгтэй гэнэ. Дараа нь, энэхүү үйлдлийг нь давтаж гүйцэтгэхийг 2-3 найзаасаа хүсэх ба тэд нэг хоногийн дотор уг үйлдлийг гүйцэтгэх ёстой юм байна.

Оролцогчид энэ үед 10 доллараас дээш хэдийг ч өөрийн хүслээр өвчтнүүдэд хандивлаж болох ба энэ удаагийн арга хэмжээнд энгийн иргэдээс гадна Марк Цукерберг, Жастин Тимберлейк, Билл Гейтс, Жимми Феллон.зэрэг  олны танил эрхмүүд оролцсон аж.