Ханхүү Харри аймшигтай осолд оржээ
Их Британий ханхүү Харрийн машины цуваа Лондоны төвд амьтны
хүрээлэнгийн ойролцоо авто машины осолд оржээ. Ханхүүг хамгаалж явсан
цагдаагийн мотоцикл асар их хурдтайгаар такси очиж мөргөсөн байна.
Гэрчүүдийн мэдээлснээр осол болсон газар "нядалгааны газар шиг аймшигтай байсан" гэнэ.
Toyota Prius машиныг мотоциклоороо очиж мөргөсөн цагдаа ослын газраас 9
м хол шидэгджээ. Таксины жолооч хүнд шархадсан бөгөөд түүнийг аюулгүйн
дэр л аварчээ. Одоо тэд эмнэлэгт эмчлүүлж байна.
Ханхүү Харри өөрөө гэмтээгүй ч шоконд орсон хэмээн "Daily Mail" сонинд
бичжээ. Энэ ч аргагүй, түүний эх Диана гүнж аймшигтай осолд орж, амиа
алдсан билээ. Ханхүүгийн range rover машин дүрмийн дагуу нэлээд зайтай
явж байсан нь аз болжээ.
Ханхүү хоёр гараараа толгойгоо барин машинд сууж, үе үе ослын газар луу
сэтгэл түгшин харж байсан талаар гэрчүүд ярилаа. "Харри бүтэн
өдөржингөө нервтэж, осолд орсон хүмүүсийн бие сайн эсэхийг лавлаж
асуусан. Тэгээд тэдний биеийн байдал гайгүй гэдгйиг сонсоод сэтгэл нь
амарсан" хэмээн ханхүүгийн бие төлөөлөгч мэдэгдэв.
"Ханхүүгийн машин 4 мотоциклоо дагуулан хар хурдаараа давхиж явсан" хэмээн нэрээ нууцлахыг хүссэн унадаг дугуйтай эр ярьжээ.
Мөрдөн ажиллагаа хэдийн эхэлсэн талаар Лондоны цагдаагийн газар мэдээллээ.
www.mnews.mn
