Мессид бүх цаг үеийн мэргэн бууч болоход нэг гоол дутуу байна

Каталоны нэр төр "Барселона" клуб Ла лигийн хүрээнд талбайдаа Эйбарыг хүлээн авч 3-0 хожсоноор 22 оноотойгоор лигийг тэргүүлсэн хэвээр үлдлээ. Хожлын гурван гоолыг багийн одууд болох Л.Месси, Неймар. Хави нар хийжээ. 

Лео Мессигийн хувьд өнгөрсөн шөнө Испанийн Ла лиг дэх өөрийн 250 дахь гоолоо оруулснаар домогт Телма Заррагийн (251 гоол)  амжилтыг ирэх долоо хоногт "Реал Мадрид"-ын эсрэг тоглохдоо давтах, амжилтыг нь ахиулах боломжтой болж байна. 

Барсагийн дасгалжуулагч Луйс Енрике "Би Мессиг амраах талаар бодож байсан. Гэхдээ түүнийг суулгачихвал өнөөдөр оруулсан шиг нь гайхалтай гоолыг алдах эрсдэл байлаа шүү дээ. Мессид Заррагийн рекордыг эвдэнэ гэх шунал хэрэггүй. Тэр энд ирсэн анхны өдрөөсөө хойш 10 жил ийм байж, багтаа бүхнээ зориулж ирсэн. Тэрээр дээд амжилтад нэгэнт хүрсэн хүн" хэмээн ярьжээ.

Мөн "Барса"-гийн хаалгач К.Бравогийн хаалгаа хуурай манасан гайхалтай амжилт үргэлжилсээр байна.