HOME /баримтат кино/
Хоёр цаг орчим үргэлжлэх энэхүү баримтат киног Францын фото зурагчин Ян Артус Бертранд /Yann Arthus-Bertrand/ найруулагч Люк Бессентой хамтран 2009 онд бүтээжээ. Домогт Ян Артус Бертрандын энэхүү гайхалтай кино ертөнцийн жинхэнэ гоёмсог байдлыг үзэгчдэд толилуулж байгаагаараа онцлог юм. Киног бүхэлд нь нисдэг тэргэн дээрээс зурагласан бөгөөд 18 сарын турш зураг авалтын багийнхан дэлхийн 53 оронд очсон байна. Харин Хятад, Саудын Араб гэх мэт зарим орнуудад агаараас зураг авалт хийхийг хориглосон аж. Энэтхэгт гэхэд, зураг авалтын материалынхаа талыг хураалгаж байсан бөгөөд Аргентинд Артус Бертранд туслахуудын хамт долоо хоног шоронд хоригдож байсан аж.
