Дугуйрсан дэлгэцтэй “Galaxy Note”-өө худалдаанд гаргана

Зураг дээр дарж томоор үзэх боломжтой

Энэ оны есдүгээр сард Берлинд болсон гэр ахуйн цахилгаан барааны олон улсын үзэсгэлэнгийн үеэр Өмнөд Солонгосын үйлдвэрлэгч "Galaxy Note Edge” гар утсаа танилцуулж, олны нүдийг хужирласан билээ.

Тус компани уг гар утсаа тухайн сардаа АНУ-д худалдаанд гаргахаар төлөвлөсөн ч тус улсын Харилцаа холбооны хорооноос зөвшөөрөөгүй юм. Учир нь зохиогчийн эрхийн асуудлаар судлах шаардлага тулгарсан байж болзошгүй аж. Саяхан Харилцаа холбооны хорооноос "Samsung” компанид албан ёсны зөвшөөрөл олгосон байна.

"Galaxy Note Edge” нь ирмэг рүүгээ эргэсэн дэлгэцтэй хамгийн анхны ухаалаг гар утас гэдгээрээ онцлогтой. Компанийн төлөөлөгчийн Берлиний үзэсгэлэнгийн үеэр тайлбарласнаар дэлгэц нь ирмэг дээрээ үргэлжилж байрласнаараа хэрэглэгчдэд үйлдэл хийхэд улам хялбар болгосон аж. Дэлгэцийн доод хэсэгт байрладаг арр-уудыг өөрчилж, ирмэг дээр босоогоор байрлуулжээ. Ингэснээр загварын хувьд шинэлэг гэдгийг нь тодотгожээ.

"Samsung” компани энэхүү утсаа хэзээ, ямар үнэтэйгээр худалдаанд гаргахаа хараахан тодорхой болгоогүй байна.

Зураг дээр дарж томоор үзэх боломжтой