|

Бейонсе 3 саяын өрөнд оров (видео)

Америкийн төдийлөн нэрд гараагүй дуучин Ахмад Жавон Лэйн тус улсын хамгийн өндөр орлоготой, нэр хүндтэй дуучин бүсгүй Бейонсег шүүхэд өгчээ. Дуучин эр Бейонсегээс гурван сая доллар нэхэмжлэв. Бейонсе өөрийн Beyonce цомогт багтаасан XO дуугаа Лэйны XOXO дуунаас сэдэвлэн бүтээсэн гэж дуучин эр үзсэн байна. Лэйн ХОХО дуугаа биччихээд нэгэн дуучинд түүнийгээ сонсгосон нь Бейонсегийн ард хоолой хийдэг хүн байжээ. Улмаар цаадахь нь Бейонсед тэр дууг сонсгосноор дуучин бүсгүй түүнийг бага зэрэг өөрчлөөд өөрийн болгочихсон гэнэ. Тиймээс Ахмад дуучин бүсгүйгээс нөхөн төлбөр авахыг шаардав.


ХО дуунаас үүдэн Бейонсе хулгайд сэрдэгдэж байгаа анхны тохиолдол энэ биш юм. Өнгөрсөн оны сүүлээр НАСА-гийн экс сансрын нисгэгчид болон тэдний гэр бүлийн гишүүд Бейонсег 1986 онд осолдсон "Чэлленжер” хөлгийн дэлбэрэх дуу чимээг дууны эхэнд ашигласан гэж шүүмжилсэн билээ. Тэр ослын үеэр долоон хүн амь эрсэдсэн юм. Мөн хэд хоногийн өмнө Жоел Мак гэдэг нөхөр Бейонсегийн нөхөр Жэй Зи, түүний хамтрагч Канье Уэст, Фрэнк Оушен нарыг Made in America дууг хулгайлсан хэмээн шүүхэд өгчээ.