Уитни Хьюстоны намтар кино ирэх онд нээлтээ хийнэ

Грэммигийн 6 удаагийн шагналт алдарт дуучин Уитни Хьюстоны амьдралаас сэдэвлэн бүтээсэн "Whitney" гэх бүрэн хэмжээний дэлгэцийн бүтээл ирэх 2015 оны 1-р сарын 17-ны өдөр нээлтээ хийхээр болжээ. Энэхүү кинонд түүнийг хэрхэн сүмийн найрал дууны дуучнаас олон улсын гялалзсан од дуучин болж амжилтад хүрснээс авахуулаад 2012 оны хоёрдугаар сард зочид буудлын угаалгын өрөөнд зуурдаар амиа алдах хүртэлх амьдралынх нь бүхий л чухал цаг мөчүүдийн тухай өгүүлэх бөгөөд түүнийг нөхөр Бобби Браун болон ээжтэйгээ хэрхэн харилцдаг байсан талаар ч өгүүлэх аж.

"Whitney" киноны гол дүрийг АНУ-ын жүжигчин, загвар өмсөгч Yaya DaCosta тоглосон бол Бобби Брауны дүрд жүжигчин Arlen Escarpeta тоглож, киног Angela Bassett найруулсан байна.