Зогсоолоос гарахаар будилж буй BMW-ны жолооч эмэгтэй интернэтийн од болов
Эмэгтэйчүүд зогсоолд машинаа байршуулахдаа тааруухнаараа алдартай.
Тэгвэл энэ бичлэг үүнийг бататгаж, хөөрхий бүсгүйчүүдийн маань нэр
хүндийг улам унагах нь тодорхой.
Youtube сайтад саяхан "Калгарийн хамгийн муу жолооч” (Calgary's Worst
Driver) хэмээх бичлэг тавигджээ. Уг бичлэг дээр нэгэн эмэгтэй хоосон
шахуу зогсоолоос машинтайгаа гарахаар дөрвөн минут гаруйн турш ухарч,
урагшилж байгаа нь гарсан байна. Энэ бичлэгийг гуравхан өдрийн дотор
хоёр сая орчим хүн үзжээ.
Дэлгүүрийн ажиглалтын камераар хийгдсэн энэ бичлэг дээр мөнгөлөг BMW-ны
жолооч эмэгтэй хажуугийн хэд хэдэн машинаа шүргэж, өөр нэгэн жолоочийн
тусламжтайгаар зогсоолоос гарч байгаа нь харагдана.
