Royal Beat Crew, Хөсөгтөн хамтлаг хамтарсан шинэ уран бүтээл

Залуусын дунд beatbox-ийн урлагаар танил болсон "Royal beat crew” хамтлагийнхан нэгэн өвөрмөц, шинэ уран бүтээл гаргажээ. Ингээд тэдний уран бүтээлийнх нь талаар хамтлагийн ахлагч Beatbox Баачкатай ярилцлаа.

Хэсэг хугацааны турш чимээгүй байсан танай хамтлаг шинэ уран бүтээл гаргасан байна, энэ тухайгаа сонирхуулаач?

Тиймээ манай хамтлаг нэлээд хугацаанд уран бүтээл гаргалгүй чимээгүй байсны эцэст язгуур урлагийн Хөсөгтөн хамтлагтай хамтарч шинэ клип бүтээлээ.

Клипний онцлог юу вэ, яагаад Хөсөгтөн хамтлагийг сонгох болов?

Энэхүү клип маань орчин үеийн урлагийг, язгуур урлагтай хослуулж хийснээрээ маш онцлог болсон. Мөн эртний амны урлаг болох хөөмийг орчин үеийн амны урлаг beatbox-той хоршиж, мөн монгол ардын бүжгийг орчин үеийн хип хоп, брек бүжигтэй хослуулж ямар ч хөгжимгүй хийснээр маш өвөрмөц клип болсон.

Клипээрээ дамжуулж ямар санаа илэрхийлэхийг зорьсон бэ?

Сүүлийн үед монгол залуучууд маань гадны соёлыг шүтэн дэлгэрүүлж, даган дуурайх явдал их болсон. Бид клипээрээ монгол ёс заншил, соёл урлагаа битгий орхиоч ээ, монголын язгуур урлагийг орчин үеийн урлагтай хослуулж хэрхэн яаж ашиглаж болохыг өнөөгийн залуучуудад ойлгуулж, харуулахыг хичээсэн.