Адам Левин шүтэн бишрэгч бүсгүйгээ цохив (видео)

Канадын Торонто хотод нэгэн таагүй үйл явдал болсон байна. Тоглолт ид явагдаж байтал хөгжмийн дуугаралт сонин болж эхэлжээ. Үүнээс болж Maroon 5 хамтлагийн дуучин Адам Левин галзууртлаа уурласан аж. Мань хүн уур бухимдлаа чангаар илэрхийлэхийн хажуугаар тэсэлгүй микрофоноо үзэгчид рүү чулуудаж орхижээ. Төхөөрөмж тоглолт үзэж зогссон нэгэн шүтэн бишрэгч бүсгүйн нүүрэнд туссан гэнэ.

Бүсгүйн нүүр тэр дороо памбайж хавдсан байна. Эвгүй байдалд орсоноо мэдээд Адам Левин тэр бүсгүйг тайзан дээр дуудаж гаргаж ирээд уучлал хүсчээ. Хохирогч бүсгүй тайзан дээр үсэрч гарч ирээд Левиныг хүзүүдэж аван шуналтайяа үнссэн аж.