“Furious 8” 2017 онд
Fast and Furious цувралын долдугаар анги нээлтээ хийгээд сар ч
болоогүй байна. Өнөөдрийн байдлаар энэ кино дэлхий даяар 1,1 тэрбум ам.
доллар олж дэлхийн хамгийн их ашиг орлого олсон бүтээлүүдийн долдугаарт
жагсчээ.
2014 онд нээлтээ хийх байсан гол дүр болох Пол Уолкер зуурдаар амиа
алдаж төлөвлөгөөт хугацаанаасаа жил орчмын дараа нээлтээ хийсэн Furious 7
үзэгчдийн сэтгэлд ихээхэн нийцэж буй.
Тэгвэл Доминик Тореттогийн дүрийг бүтээсэн жүжигчин Вин Дизель киноны
сүүлийн анги болох "Furious 8” 2017 оны дөрөвдүгээр сарын 14-ний өдөр
дэлгэцнээ гарна гэжээ.
Өнгөрсөн жил Universal кино компани "Fast and Furious” цувралын нийт 10
кино бүтээгдэх байх гэж байсан нь ийнхүү батлагдаж байна. Өнөөдрийн
байдлаар цуврал долоон бүрэн хэмжээний уран сайхны кино, хоёр богино
хэмжээний киногоор үргэлжилжээ.
Харин "Furious 8” дэлгэцнээ гарахад цувралын арав дахь кино болох юм.
Одоо дэлгэцнээ гарч байгаа "Furious 7” киноны Уолкерын дүрийг CGI-аар
гүйцээсэн бол албан ёсны наймдугаар ангид түүний дүр байх уу, хэн
найруулах вэ? зэрэг асуулт хариулт үгүй үлдлээ.
