Үхэл бүр нь жинхэнэ видео тоглоом
"Жинхэнэ тоглогч хэзээ ч үхдэггүй, тэд дахин төрдөг” гэдэг гоё хэлц бий. Ер нь ч компьютер тоглоом хиймэл учраас үхсэн ч гэсэн эргээд л сэрдэг. Дахин ачаалахад бүх зүйл эргээд хэвийн байдалдаа ордог билээ.
Яг л торхонд дүүрэн харх хийгээд хэсэг хугацаа өнгөрөхөд эцэст нь ганцхан том харх үлддэгтэй адил.
Тоглоомчдыг татахын тулд, тэднийг улам ихээр тоглуулахын тулд энэ
аргыг ашигладаг. Мэдээж хэрэг хүн Call of Duty тоглож байгаад нэг л
үхвэл дахиж сэргэдэггүй байсан бол тийм алдарт хүрэх эсэх нь
эргэлзээтэй.
Гэтэл үүнийг өөрөөр бодож буй нэгэн студийг танилцуулж байна. Vogelsap
студи "The Flock” хэмээх тоглоомыг тун удахгүй худалдаанд гаргах аж.
Тоглоомын үйл явдал сүйрлийн ирмэгт ирсэн 3000 оны дэлхийг харуулна. Нэг
тоглогч үхэх бүрт тоглоомын нэг дүр устана. Ингэж явсаар эцэст нь
ганцхан нь үлдэх учиртай.
Бүх тоглогчид нэгдүгээр биеэс тоглох бөгөөд "Flock” хэмээх дэлхийд ноёлж
буй нэгэн төрөл зүйлийн амьтан болж эхлэх аж. Тоглоомд ганцхан орших
нэг дүр бий. Тэр нь зөөвөрлөгч.
- Тоглоомын трейлер -
Зөөвөрлөгч нь гартаа том чийдэн барьсан байх бөгөөд "Flock”-уудыг устгах
чадалтай. Харин Flock-ууд гэрэлд л харагдахгүй, харагдсан ч хөдлөхгүй
бол ямар ч хугацаагаар хамаагүй амьдрах бөгөөд эсвэл зөөвөрлөгчийг олж,
устгаад өөрөө зөөвөрлөгч болж болно.
Зөөвөрлөгч оноо цуглуулан тоглоомын ялагч болж болох аж. Бүх л тоглоомд ердөө ганцхан зөөвөрлөгч байх учир нэгэнт зөөвөрлөгч болсон бол таниас бусад нь бүгд Flock хэвээр байгаа гэсэн үг. Үхсэн тохиолдолд дахин тоглох боломжгүй.
Энэ мэтээр үргэлжилсээр эцэст нь ердөө ганцхан зөөвөрлөгч үлдэх,
эсвэл маш олон тоглогч хэзээ ч зөөвөрлөгч болохгүйгээр Flock хэвээр
үлдэх биз.
Энэ жил худалдаанд гарах "The Flock” хэмээх тоглоомыг 2012 оноос хойш
хөгжүүлсэн бөгөөд бүх тоглогч үхэж дуусахад энэхүү тоглоомыг дахин хэн ч
тоглох боломжгүй болох аж.
Яг л торхонд дүүрэн харх хийгээд хэсэг хугацаа өнгөрөхөд эцэст нь ганцхан харх үлддэгтэй адил.
Эх сурвалж: 
