Орост сүйрсэн онгоцны бичлэг

ОХУ-ын Донын Ростов хотноо өнгөрсөн бямба гарагт болсон FlyDubai компанийн онгоцны осол хяналтын камерт бичигджээ.

Нисэхийн багийн долоон гишүүн, 55 зорчигчтой байсан энэхүү онгоцны ослын талаар бид өмнө нь мэдээлсэн.

Дубайн "FlyDubai Boeing 737-800" онгоц орон нутгийн цагаар бямба гарагийн 03:50 цагт унажээ. Одоогоор ослын шалтгааныг тодруулах боломжгүй байгаа ч цаг агаарын таагүй байдал нөлөөлсөн гэж шинжээчид үзэж байна. Амиа алдагсдын 44 нь ОХУ-ын иргэн, Украины найм, Энэтхэгийн хоёр, Узбекистаны иргэн байсан бөгөөд тэдний дөрөв нь хүүхэд байжээ. Мөн нисэхийн багийн гишүүдэд Кипр, ОХУ, Колумб, Сейшель, Киргизстан, Испанийн иргэд байв.

Онгоц нисэх буух зурваст орж чадалгүй агаарт 2 цаг орчим 10 удаа тойрч нисчээ.