|

Хонхны баярын хялбархан үс засалтууд /Видео/

Мөнгөн хонхны баяр оюутан цагийн хамгийн чухал мөч. Та хонхны баяраараа үсээ хэрхэн засуулахаа сонгож амжсан уу. Үс сайхан бол зүс сайхан. Бүсгүй таныг хонхны баяраар төгс харагдуулах хамгийн чухал зүйл үс засалт гэдгийг мартаагүй биз дээ. Таньд хонхны баярын үс засалтаа өөрөө хийж болох хялбар бөгөөд таныг хамгийн дэгжин, чамин харагдуулах үс засалтуудыг санал болгож байна.

Холливуудын засалт­ Винтаж ороолт

Мэрилиний үеийн Холливуудын засалттай төстэй хэлбэрээр үсээ янзлах хялбархан арга. Танд үс ороогч, олон ширхэг үсний жижиг хавчаарнууд, үсний лак гурав хэрэгтэй. Энэ засалтын хамгийн чухал нь духны дээгүүрх хэсгийг донжийг нь тааруулж ороох юм. Үсээ нэг тал руугаа далий хуваагаад, далий хуваасан хэсгийнхээ дээд хэсгээс үс авч дотогшоогоо хэлбэрээр орооно. 

 

 

 

Ретро долгио

Их цэвэрхэн, ихэмсэг төрхийг ретро долгио бүрдүүлж өгнө. Өмнөх винтаж ороолтонд үсний далд буюу арын хэсгүүдийг ороох шаардлагагүй байсан бол, жигд долгио оруулахын тулд энэ удаа бүгдийг нь орооно. Бүдүүн шүдтэй самаараа буржгарыг нь султгахдаа самаа хөндлөн, босоо болгох маягаар бага зэрэг хэлбэр оруулаарай. 

 

 

 

Франц мушгиа

Энгэр, нуруундаа онцгой чимэглэлтэй, уртавтар, эсвэл шулуун даашинзан дээр энэ засалт сайхан зохино. Залуу, өхөөрдөм гэхээсээ илүү туршлагатай, ажил хэрэгч, эрхэмсэг хэв маягт дуртай бол энэ засалтыг сонгоорой. Эхлээд үсээ гурав хувааж байгаад голын хэсгийг нь хэд хэдэн давхарга болгож угийг нь босгоно. Ингэснээрээ үс засалт илүү хэлбэр орж, удаан тогтох болно. 

 

 

 

Нойтон самналт

Энэ засалтыг хонхны баяраараа туршаад үзээрэй. Ялангуяа шулуун загвартай, чимэглэл багатай даашинз эсвэл анхаарал татахуйц чимэглэлтэй даашинзан дээр зохицоно

 

 

 

Грек маягийн мушгиа

Энэ удаад үсний боолтон даруулгаа ашиглана. Сурчихвал бараг 5 минутанд л хийчихэж болох амархан засалт. Хэрэв энэ засалтыг сонгохоор бол шинээр гоёмсог үсний даруулга худалдаад авахад л болно.

 

 

 

Элегант шуулт
Женнифер Лопезоос санаа авсан цэвэрхэн шуулт. Гель, невединкан хавчаар, резинен боолт гурваар улаан хивсний ёслол дээрээс л хардаг гоёмсог шуултыг хийж болно гэж хэн санах билээ?

 


2337
  • 8-н сартай хүүгийн ”авьяас” Америкт шуугиан тарьж байна Үзсэн   1715 2015-06-15
  • ZAYN - Fingers Үзсэн   771 2018-11-02
  • Гэртээ махтай пирожки хийх арга Үзсэн   2159 2016-12-07
  • Хүний амьдрал Үзсэн   1255 2015-01-23
  • Шинэ үе - Өшиглөдөг эмээ хошин шог Үзсэн   1977 2014-07-18
  • Нар хиртэх үзэгдэл Берлин хот /Видео/ Үзсэн   1393 2015-03-24
  • "Мастер тулаанч -2017" тулааны реалити шоу Үзсэн   1020 2017-04-20
  • Frederic Lagrange 680 долларын үнэтэй MONGOLIA ном зарагдаж дуусчээ Үзсэн   851 2019-02-22
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.