|

Францын "Дарсны хот"

Дараагийн онцлох музей бол барилгын ажил нь бүрэн дуусаагүй байгаа ч аль хэдийнэ олон улсын хэвлэлүүдийн анхаарлын төвд орсон Францын Бордо хотын "Cité du Vin” буюу "Дарсны хот” музей. Франц улс, тэр дундаа тус улсын Бордо хот сайн чанарын дарс үйлдвэрлэдгээрээ олон улсад зартай. Энэ онцлогийг тусгасан шинэ музейн үзмэрүүдэд дарс өөрөө багтаагүй ч дарсны тухай мэдлэг ойлголтыг шинэ технологийн тусламжтай олон нийтэд танилцуулах юм.

81 сая долларын өртгөөр босч байгаа "Дарсны хот” музейн барилгын өвөрмөц загварыг хундаганд цалгиж байгаа дарснаас санаа авч бүтээжээ. Музейн бас нэг онцлог нь технологийн дэвшлийг ашигласан дарсны түүхийг өгүүлэх мультмедиа өрөөнүүд юм. Нэг өрөөнд 3 аварга дэлгэцийн тусламжтайгаар дэлхийн 5 тивийн дарсны усан үзэм тариалдаг талбайнуудаар зочлох боломж олдоно.

 

 

 

Өөр нэг өрөөнд усан үзэм тариалангийн бүс нутгийн талаар ойлголт өгч, олон өнцгөөр байрлуулсан дэлгэц бүхий ширээн дээр ийм тариалангийн дижитал хувилбартай танилцуулах юм. Энэ дижитал тариаланд 4 улирал ээлжилж, үүл нүүн, бороо орохыг ч харах боломж байна. Эртнээс дарс гэх ундааг далайн тээврээр олон бүс нутагт худалдаалж ирсэн түүхтэй. Иймээс түүхэн дэх худалдааны гол замуудаар далайн тээвэр хийж байгаа мэдрэмжийг авах 4 хэмжээст технологийн өрөөг ч байгуулжээ. Бас нэг хөгжилтэй зүйл гэвэл тус музейд байрлуулсан "Цөхрөлийн сандал”. Дарсны шарталтад зориулсан энэхүү аварга сандал дээр суухад хэт согтуурсандаа харамссан уран бүтээлч, яруу найрагчид гансралын түүхээ ярьдаг байна.

Францчууд шарталтыг хүртэл урлагийн бүтээл туурвих сэдэв болгож чаддагийг энэ сандал харууллаа гэж зарим шинжээч хошигнон дүгнэж байгаа юм. Үүнээс өөр олон зориулалттай шинэ технологийн өрөөнүүд Бордо хотын дарсны музейд багтсан байна. Музейн байранд дарс уух боломжгүй ч, тус барилгын 8 дугаар давхар дахь задгай галерейд 20 төрлийн тансаг зэрэглэлийн дарснаас сонгон хүртэж болно. Энэ үйлчилгээний үнийг музейн удирдлага тасалбарын үнэд багтаах юм байна. Олны дунд хүлээлт үүсгээд байгаа энэхүү "Дарсны музей” ирэх сарын 1-нд албан ёсны нээлтээ хийнэ.

244
  • 3-хан минутын дотор маш энгийн аргаар танан цагаан шүдтэй болмоор байна уу? Үзсэн   1568 2014-07-21
  • Сумо бөхийн шилдэг барилдаанууд Үзсэн   1419 2014-07-01
  • ОМГОЛОН АДУУ Үзсэн   666 2014-08-13
  • Леонардо Ди Каприо-ийн шинэ найз бүсгүй Үзсэн   230 2016-07-08
  • Баянзүрх дүүргийн АН сонгогчдын саналыг “мөнгө”-өөр үнэлжээ /баримтат нэвтрүүлэг/ Үзсэн   216 2016-11-01
  • 10 сая ам.долларын үнэтэй дотуур хувцас тайзнаа гарна /Бичлэг/ Үзсэн   335 2015-07-09
  • Xтүц - Зугаалга Үзсэн   503 2015-01-07
  • Ийм эмэгтэйчүүд байдаг гэж үү Үзсэн   264 2017-05-22
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler