Коби Брайнт Стефен Карригийн талаар юу хэлэв?

Лос Анжелес Лэйкерс багийн супер од Коби Брайнт өнгөрсөн 4 – р сард замналынхаа хамгийн сүүлийн тоглолтыг хийсэн билээ. Тэгвэл саяхан нэгэн телевизэд ярилцлага өгөх үеэрээ хэд хэдэн сонирхолтой асуултанд хариулсан байна. Сэтгүүлч түүнээс Стефен Карри, Клэй Томпсон нарын талаар, тэдэнд өөр шиг нь дайчин шинж чанар байгаа эсэх талаар асуухад "Тэд бол хүйтэн цуст алуурчид. Хүмүүс тэдний талаар юу ярих нь тэдэнд сонин биш. Хожлын шидэлтийг хэн нь шидэж, алдах эсвэл амжилттай болгох нь ч чухал биш. Тэд талбайд гараад ажлаа хийж байгаа мэт л байдаг.” хэмээн хариулжээ.

Сэтүүлч мөн Карри болон ЛеБрон нарын ялгаатай шинж чанаруудын талаар асуухад Коби ингэж хариулжээ.

"Тэдний тоглолтын арга барил тэс өөр л дөө. Тэдний тоглож буй багууд ч тэс өөр системтэй. Ер нь бол сагсчдын хувьд нэг нэгнийхээ эсрэг туйл нь гэж хэлж болно.”