Жастин Тимберлэйк хуримыг өөд нь татав

Дуучин Жастин Тимберлэйк тун ч санаандгүй байдлаар нэгэн хуримын зочноор оролцсон байна. Мань хүн энэ ёслолд албан ёсоор уригдаагүй ч Нью-Гэмпширын нэгэн хосын хуриманд оролцжээ. Залуу хос болох Чэлси Годе, Райан Паркс нар хуримын гэрэл зургаа авахуулж байтал гэнэт Тимберлэйк гараад ирсэн аж. Дуучин залуу тэдний хуримын ёслол болж байсан газраас холгүйхэн хоол идэж байсан гэнэ. Сүйт бүсгүйн аав Тимберлэйкийг хараад очиж уулзжээ. Жастин өөрт нь хандсан аавд татгалзаж чадаагүй бөгөөд залуу хос дээр очоод тэдэнд баяр хүргэсний дээр хамтдаа зургаа авахуулжээ. Ийм нэр хүндтэй хүнийг хуримандаа урьж хөтлүүлэх юм уу дуулуулсан бол ямар их мөнгө төлөх байсан нь ойлгомжтой. Тэгтэл Жастин хосуудад үнэ төлбөргүй "үйлчилж” өгсөн байна.