|

Трамп: Мэтгэлцээний өмнө Хиллари Клинтон сэргээшийн тест өгөх ёстой VIDEO

Америкийн Ерөнхийлөгчийн сонгуультай холбоотйо дуулиан ар араасаа цуварсаар. АНУ-ын Бүгд найрамдах намын нэр дэвшигч, тэрбумтан Дональд Трамп бас нэгэн хачирхалтай мэдэгдэл хийлээ. 

Трамп "Ардчилсан намын нэр дэвшигч Хиллари Клинтон допинг хэрэглэдэг. Иймээс тэр дараагийн теле мэтгэлцээний өмнө сэргээшийн тест өгөх ёстой. Би ч өгөхөд бэлэн" хэмээн мэдэгдсэн тухай "CNN" мэдээлжээ.

"Хиллари Клинтон өмнөх мэтгэлцээний үеэр их хачин байсан. Мэтгэлцээн эхлэхэд тэр маш эрч хүчтэй байсан, яг л хар тамхи хэрэглэсэн мэт. Харин мэтгэлцээн дуусах дөхөхөд суларсаар улбайж өгсөн. Тэр бүү хэл өөрийг нь түшиж яваасай гэж байгаа мэт харагдсан шүү. Тэгээд Хиллари арай гэж л машиндаа орж суусан" гэж Трамп ярилаа. 

Доор та бүхэнд "Weezer" хамтлагийн клипийг сонирхуулж байна. Америкийн сонгуулийн тухай "I Love the USA" клип нь тус хамтлагийн сүүлийн цомогт багтсан бөгөөд Америкийн үндэсний чартад 4-т орж чадсан юм.  

 www.mnews.mn 
 

965
АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.