Ажиглалтын камерыг шалгаад хартал...

Саяхан Туркт нэгэн хачирхалтай явдал тохиолджээ. Гудамжны золбин ноход шөнө дундаар гадаа байсан автомашиныг "будаа болгон” эзэнд нь ихээхэн хэмжээний хохирол учруулсан байна.

Автомеханик Кем Акар өглөө ажилдаа ирээд, засварын газрын гадна байсан машин хэн нэгэн танхай этгээдүүдийн гарт өртсөн байхыг харжээ. Ингээд цагдаа дуудчихаад хүлээж байхдаа уг машин яг ажиглалтын видео камер тусахаар газар байгааг гэнэт санасан байна.

Ажиглалтын камерыг шалгаад хартал, хэн нэгэн хулгайч, танхай этгээд бус, харин гудамжны золбин ноход машиныг гэмтээсэн болох нь тогтоогдон, ихэд гайхшралд оруулсан аж.

Эдгээр сүрэг нохдыг чухам юу тэр машин руу тэгтлээ их татсан нь тодорхойгүй бөгөөд магадгүй, муур ч юм уу дор нь нуугдчихаад гарч өгөлгүй нохдын аашийг хөдөлгөсөн бололтой.

Энэхүү өвөрмөц тохиолдлын талаар сонирхсон сэтгүүлчдэд Кем Акар өгүүлснээр, уг машиныг янзлахад дор хаяж 5000 лир шаардлагатай байгаа аж.  Золбин ноход турк эрийг бас ч үгүй хөөрхөн "шатаагаад” амжсан бололтой.