Хүүхэд орилох чимээнээр эмээ нь гүйн очтол...

Хоёр сарын өмнөөс Де Люкийн гэр бүл нохой тэжээх болжээ. Тэр нь хоёр настай, Хаус нэртэй герман овчарк бөгөөд эздэдээ маш үнэнч.

Сүрлэг овчарк нохой тун удалгүй гэр бүлийн гишүүдийн хайрыг булааж чадав. Томчууд нь хүүхдүүдээ гадагш Хаустай хамт тоглуулахаар гаргадаг болсон байна. Энэ нь ч зөв шийдвэр байсан нь удахгүй нотлогджээ.

Тэрхүү гайт өдөр долоон настай Молли байрныхаа арын хашаан дотор нохойтойгоо тоглож байлаа. Гэнэт хүүхэд чангаар орилох чимээгээр эмээ нь яаран гүйж очтол нохой шүдээрээ ямар нэгэн зүйл зуучихсан дороо цовхорч байв. Дөхөж очоод сайн хартал, аймшигт хорт могойг амандаа зуучихсан байх нь тэр!

Техасын хорт могой маш аймшигтай. Хэрэв тэрээр бяцхан охиныг хатгасан бол түүний амь нас аюулд учрах байлаа. Харин түүний хор Хауст оногдсон аж.

Зоригт овчарк нохой өөрийн биеэр хорт могойн дайралтыг хүлээн авч, бяцхан эзнээ аварч чаджээ. Азаар, эрэлхэг чийрэг нохойн бие махбодь хорыг тэсвэрлэн давж, одоогоор эдгэрч байгаа аж.