Vixole – Дэлгэцтэй гутал
Vixole брэнд нэгэн шинэ загварын сонирхолтой пүүз танилцуулжээ. Компанийн залуус краудфандаар хөрөнгө босгож анхны лед гэрэл, мэдрэгч, апп ашиглаж болох пүүз бүтээжээ.
Пүүзний онцлог бол өөрийнх нь апп-ийг ашиглан өөрийн хүссэн загвараа гутлан дээрээ гаргаж болно. Мөн GPS ашиглан алхам хэмжигч хүртэл гаргаж, хаагуур явсанаа дараа нь тооцоолж болно. Түүгээр ч зогсохгүй дуу, хөдөлгөөн мэдэрч, Open API нь бусад апп-тай зохицон, AR/ VR тоглоом хүртэл тоглох боломжтой болох юм. Пүүзийг ус, дулааны хамгаалаттай бүтээж, утасгүй цэнэглэгч хавтан дагалдуулах юм байна. Нэг цэнэглэсэн байхад 8 цаг ажиллана гэж зохион бүтээгчид ярьжээ.
Компани бүтээгдэхүүнээ 2017 оны 6 сард худалдаанд нийлүүлнэ гэж мэдээлжээ. Эхний ээлжинд зөвхөн дэлгэцтэй энгийн загвар, мэдрэгчтэй нэмэлт загвар гарах юм байна. Пүүз 150-300$ орчим үнэтэй борлуулагдаж, эрэгтэй, эмэгтэй бүх хэмжээгээр үйлдвэрлэгдэнэ болно.
