Энэ улиралд гарсан загварын 10 шилдэг богино хэмжээний кино
1. Kenzo World - The New Fragrance, Спайк Жонз, Kenzo.
Kenzo World сүрчгийн сурталчилгааг "Her" киноны найруулагч Спайк Жонз бүтээсэн юм. Нийт гурван минут үргэлжлэх энэхүү видеонд жүжигчин, экс балетчин Маргарет Куоли (жүжигчин Энди МакДауэллын охин) оройн зоогоос зугтан бүжиглэж, хачирхалтай хөдөлгөөнүүдийг хийнэ. Уг видеоны бүжгийг Райан Хеффингтон дэглэсэн юм. Тэрээр дуучин Sia-гийн "Chandelier" клипний бүжгийг зохиосон гэдгээрээ алдартай.
2. Wolves - Стивен Кляйн, Balmain.
Balmain брэндийн бүтээлч захирал Оливье Рустен ба түүний найзууд болох Кардашьян-Уэстийн гэр бүл Каньегийн клипийг тус маркийн шинэ цуглуулгын сурталчилгаатай нэгтгэжээ. Wolves клипний зураг авалтыг загварын салбарын хамгийн өндөр цалинтай, нөлөө бүхий зурагчин Стивен Кляйн хийсэн юм.
3. King Puppy - Уильям Стробек, Supreme
Нью-Йорк хотоос гаралтай Supreme брэнд Nike компанитай хамтарч Nike SB Zoom GTS х Supreme нэртэй шинэ пүүзний загварыг танилцуулсан. Тэд энэхүү сурталчилгааг хийхдээ сонгодог скейтерүүдийн видеог ашигласан юм. Тиймээс энэхүү видео нь зүгээр ч нэг сурталчилгаа биш харин хоёр өөр багийн тэмцээнийг харуулж байна.
4. Gucci, намар/өвөл 2016 - Глен Лачфорд
Энэхүү богино хэмжээний кинонд маш олон неон гэрэл, савангийн хөөс ба шөнийн Токиод зугаацах 20 орчим насны залуучууд гарна. Яг л бүрэн хэмжээний кино шиг хадмал бичигтэй энэ киног найруулагч Глен Лачфорд Gucci-д зориулж хийсэн юм.
5. The Love with Which I Wash - Харли Вейр, Wales Bonner
Энэ киноны үйл явдалд найруулагч Харли Вейр Энэтхэг улсад, Делигээс Жунагадх хүртэлх адал явдалтай аялал хийнэ. The Love with Which I Wash кинонд барууны эрэлхэг байдлын ойлголтыг эвдэх бөгөөд үүнийг цоо шинэ өнцгөөс харуулах болно.
6. The Tale of Thomas Burberry - Азиф Кападиа, Burberry
Найруулагч Азиф Кападиа энэхүү богино хэмжээний кинонд Burberry брэндийн үүсгэн байгуулагч Томас Берберригийн түүхийг өгүүлдэг. Томасын дүрд Донал Глисон тоглосон бол түүний хайртай бүсгүйн дүрийг жүжигчин Сиенна Миллер бүтээжээ.
7. The Seven Deadly Sins of Edward Enninful - Ник Найт, Showstudio and Beats
Их Британийн зурагчин Ник Найт "The Seven Deadly Sins of Edward Enninful" богино хэмжээний кинонд Библийн сударт гардаг долоон нүглийг Кейт Мосс, Наоми Кэмпбелл, Карли Клосс зэрэг супер моделиуд болон дуу бичлэгийн тусламжтай маш бодитойгоор харуулна.
8. Alexander Wang, намар/өвөл 2016 - Director X
Alexander Wang брэндийн намар-өвөл 2016 цуглуулгын сурталчилгаанд Зои Кравиц, Skrillex, Кайли Женнер, Tyga, Vince Staples, ASAP Ferg, Big Sean, Анна Эверс нар оролцож, канадын найруулагч Director X найруулсан юм. Энэхүү видео нь дизайнер Александр Вангийн дуртай хип хоп дууны клип ба "Ferris Bueller's Day Off", "Can't Hardly Wait" зэрэг кинонуудыг нийлүүлсэн мэт санагдлаа.
9. Marc Jacobs, намар/өвөл 2016 - Дэвид Симс
Кортни Лав, Кара Делевинь, үслэг эдлэл өмсөж, тамхи татсан Марк Жейкобс гээд маш олон алдартнууд уг видеонд харагдана. Энэхүү готик видеог зурагчин Дэвид Симс хийсэн байна.
10. Blah Blah Blah - Ролло Жексон, adidas Football
Blah Blah Blah нэртэй тус богино хэмжээний хагас анимэйшн кино нь зөвхөн хөл бөмбөгийн тоглолт төдийгүй хөгжөөн дэмжигч болон тоглогчдын сэтгэлийн хөдөлгөөнийг маш тод гаргадаг. Ямартаа ч спорт хувцасны сурталчилгаанд төгс тохирсон бүтээл болжээ.
Эх сурвалж: http://buro247.mn/culture/news/ene-ulirlyn-zagvaryn-shildeg-10-bogino-khemzheeniy-kino.html
