Үл мэдэгдэх биетүүдийн гавал бүхий #Аненербе-н хайрцаг олджээ
III Рейхийн "Аненербе” байгууллагын шошготой хайрцгийг археологичид Кавказаас олжээ. Оросын Адыгей дахь Каменномостский тосгоны орчмоос эдгээр үл мэдэгдэх биетүүдийн араг яс маш сонин бүтэцтэй.
"Олдсон 2 гавал нь эрүүгүй, дагзын яс байхгүй, мөн зулайн ясгүй, дээр нь сээр нуруундаа нүхтэй тул харь гарагийнхныг санагдуулж байна. Одоогоор ямар амьтан гэдгийг нэг ч эрдэмтэн тодорхойлж чадахгүй байна" гэж Оросын газар зүйн нийгэмлэгийн бүс нутгийн тэргүүлэгч Игорь Огай мэдэгдлээ.
Дашрамд дурдахад, далдын хүч ба харь гарагийнхныг судалдаг Германы нацистуудын #Аненербе байгууллага нь археологийн малталт, улс үндэстнүүдийн шүтээн газруудад онцгой анхаарал хандуулдаг байсан юм. Энэ байгууллагын ерөнхийлөгч Генрих Гиммлер байсныг та бүхэн санаж байгаа байх.
И.Огай "Адыгей маш нууцлаг газар, одоо ч гэсэн олон бөө, зөнбилэгч, далдыг харагчид ийшээ ирж хүчээ сэлбэдэг" гэж ярилаа. Гэхдээ Оросын археологичид "Эдгээр гавал харь гарагийнхантай холбоогүй байх. Харин гол мөрний усанд их гэмтэж өөрчлөгдөөд эрэг дээр хаягдсан хонины гавал байх магадлалтай. Нацистууд тухайн үед эдгээр гавлыг харь гарагийнхан гэж үзэн цуглуулсан бололтой" хэмээжээ. https://mostbet-games.net/kk/
www.mnews.mn
