С.Амармандах мэдээлэл хийлээ /бичлэг/

Жүжигчин С.Амармандах дөнгөж сая эмнэлгээс мэдээлэл хийлээ. Тэрээр хэргийг тайлбарлахдаа "Би тэр гадаадын хүнийг огт танихгүй, үг сольж үзээгүй. Цэнгүүний үйл ажиллагаан дээр хэнтэй ч хэрэлдээгүй. Дуугаа дуулчихаад, найз нөхөдтэйгээ зурагаа авахуулчихаад гараад явж байтал над руу нэг хүн гэнэтхэн дайрсан, би гэнэтийн халдлагад өртсөн. Тэр хүнийг гадаад хүн гэж мэдээгүй. Ийм л гэнэтийн зүйл болсон. Миний төлөө цагаан сүүгээ өргөж байгаа сайхан сэтгэлт ард түмнийхээ буянаар би хөлөн дээрээ босч байна. Би 10 гаруй хоног ухаангүй байлаа.

Юу болсон, ОХУ-ын иргэд, Монголчууд ямар яриатай, юу болсон талаар мэдсэнгүй. Ямартай ч нэг Орос хүний буруутай үйл ажиллагаанаас болж ОХУ-ыг битгий зүхээрээ залуус минь. Би эмнэлэгт 20 гаруй хонолоо. Хойноосоо толгойг руугаа цохиулахад тархинд цус нөж хурдаг юм байна. Миний тархинд их цус хурсан байгаа нь манай гэр бүлийнхний  сэтгэл санааг  нэлээд зовоож байна. Гэхдээ сэтгэл санаагаа өөдрөг байлгавал цус шимэгдэнэ гэсэн. Тархи минь задарчихгээд ухаангүй хэцүү байхдаа би хэнээс, хэзээ яаж мөнгө нэхэхэв намайг доромжилсон гүтгэлэг байна лээ. Би хэнээс ч мөнгө нэхээгүй ээ. Ухаангүй байгаа, халдлага үйлдсэн хүний нэрийг ч мэдэхгүй хүн чинь би яаж нэхэх билээ” гэх зэргийг ярилаа. Тэрээр ухаан ороод гурав хонож байгаа бөгөөд эмнэлгээс гарах болоогүй ажээ.