Бангкокийн дэлбэрэлтийн ард том бүлэг байгаа

Даваа гаригийн орой Бангкокийн Эраван бунхны дэргэд бөмбөг дэлбэрч 20 хүн амиа алдсан аймшигтай хэрэг гарсан. Тэгвэл энэ хэргийн ард том бүлэг байна гэж Тайландын цагдаа нар мэдэгдлээ.

Хяналтын камерын бичлэгт харагдсан шар өнгийн богино ханцуйтай цамц өмссөн залууг хэргийн гол сэжигтэн хэмээн үзэж байгаа бөгөөд Ерөнхий сайд Прают Чан Очагийн хэлснээр Тайландад болсон хамгийн том халдлага энэ байв.

Цагдаагийн газраас мэдээлж буйгаар энэ хэргийн ард нэгээс олон хүн байгаа гэжээ. Түүнчлэн халдлагад Тайландын иргэд холбоотой хэмээн сэжиглэж байгааг ч дурдсан юм.

Нэрийг нь тогтоож чадаагүй байгаа халдлагын сэжигтнийг баривчлахад шаардлагатай мэдээлэл өгсөн хүнд нэг сая бат буюу 28,000 гаруй ам. долларын шан хүртэл амлаж байгаа аж.

- Хяналтын камерын бичлэг -

Мөн бичлэг дээр байгаа шар өнгийн богино ханцуйтай цамцтай залуугаас гадна улаан, цагаан өнгийн цамцтай хүмүүсийг ч халдлагад буруутай хэмээн сэжиглэж байгаа юм байна.

Ерөнхий сайд сэтгүүлчдэд хандан бөмбөг дэлбэлсэн этгээдийг хөлсөлсөн байж болзошгүй гэсэн бол халдлагын дараа шууд онгоцонд суун ниссэн байх хэмээн таамаглах үндэслэл бий юм.

Бунхан өчигдөр орон нутгийн цагаар өглөөний найман цагт үүдээ нээж, иргэд цэцэг, лаа авч иржээ. 

Эх сурвалж: BBC