Голландад Чингис хааны тухай үзэсгэлэн гарч байна

Голландын "Армийн музей”-д Чингис хааныг таниулах зорилготой "Чингис хаан-морин дэл дээрээс дэлхийг эзэгнэгч” нэртэй үзэсгэлэн нээгджээ.

Үзэсгэлэнд Чингис хааны эдэлж хэрэглэж алтан эмээл, хатдын гоёл чимэглэл, торгон хувцаснаас эхлээд баатруудынх нь дайн байлдаанд хэрэглэж байсан зэр зэвсэг зэрэг 200 гаруй үзмэрийг байршуулжээ. Тухайн үзмэрүүдийг Хөх хотоос авч ирсэн бөгөөд Европт анх удаагаа дэлгэгдэж байгаа аж.

"Чингис хаан-морин дэл дээрээс дэлхийг эзэгнэгч” үзэсгэлэн өнгөрөгч сард нээлтээ хийсэн бөгөөд зургаан сар үргэлжлэх аж. Үзэсгэлэнд очсон хүмүүс Чингис хааны талаар илүү мэдээлэлтэй болохын зэрэгцээ нум сум харвах, одой морь унах, монгол хоол зооглох зэрэг үйлчилгээг авч болно.

Үзэсгэлэнгийн тайлбарт "Чингис хаан тоолж баршгүй их аян дайн хийж байсан бөгөөд зуун мянган цэргийн хүчээр Монголоос Данубе хүртэлх газар нутгийг эзэлсэн. Түүхэн хамгийн том эзэнт гүрнийг тогтоосон тэрээр морин дэл дээрээс Голландыг ч эзэлж байсан юм” хэмээжээ.