Ээжүүд үнэхээр юу ч хийдэггүй гэж үү?

Нөхрүүд гэртээ орой ирэхэд гэр нь ундуй сундуй, энд тэнд жижигхэн оймсны өрөөснүүд хөглөрч, тоглоомон машин, чихмэл баавгай хаа сайгүй тарчихсан л угтдаг биз. Ажил хийдэггүй, гэртээ байдаг байж... гэж зарим нь эхнэрүүдээ боддог л биз. 

 

Гэхдээ ээжүүд бидний ажил барагдашгүй их гэдгийг эрчүүдэд ойлгуулахад дэндүү бэрх. Үглэж яншаад байх уу, өдөр бүр цаасан дээр тайлан бичиж үлдээх үү. Үгүй дээ, бидний ажлыг батлах, ямар ч үгээр илэрхийлээд ч барамгүй бүхнийг хэдхэн хормын дүрс бичлэгээр илэрхийлж чадсан "баримт” цахим ертөнцөөр таржээ. Ээжүүд бид аяга тавгаа угааж байх зуур жижигхэн дайсны цэргүүд маань энд тэнд тоглоомоо шидэлж, өрөөсөн оймсуудыг цуглуулж явахад маань тэд л шүүгээнээс хувцаснуудыг цувуулан гаргачихдаг шүү дээ. Дуусашгүй энэ эргүүлэг бүгд унтах үед л түр зогсдог биш гэж үү. 

 

Энэ бүхнийг шингээсэн дүрс бичлэгийн талаар "Залуу ээж, блог хөтлөгч Эстер Андерсон хийжээ. Тэрээр охин Эллиатайгаа өнгөрүүлдэг нэг өдрөө бичлэг болгосон нь олон хүний анхаарлыг татжээ. Хоёрдугаар сарын 18-ны өдөр оруулсан бичлэгийг өнөөдрийн байдлаар www.youtube.comхуудсаар сая гаруй хүн, фэйсбүүкээр 50 сая хүн үзсэн байна”  хэмээн "Gogo.mn” сайтад дурдсан байлаа. Хамтдаа энэ бичлэгийг сонирхоцгооё.