Латин попын хаан Enrique Iglesias

Уянгын дууны ханхүүг баруун хацар дээрх мэнгэ нь улам секси харагдуулдаг. Түүний уянгалаг хоолой, сэтгэл хөдөлгөм, зүрх уяраам дуунууд нь Энрикег жинхэнэ бүсгүйчүүдийн хүсэмжит залуу болгодог байх. Тийм ээ, уянгын дууны ханхүү Энрике Иглесиас харцаараа ч, дуугаараа ч, уянгалаг хоолойгоороо ч шүтэн бишрэгчдээ үргэлж байлдан дагуулж байдаг.

Испани гаралтай энэ залуу дуучин, дуу зохиогч, жүжигчнийхээ карьераар Испани, Америкийн зах зээлд аль алинд нь амжилт олсон. Энрике бүх цаг үеийн Латин уран бүтээлчдийн хамгийн амжилттай дуучны нэг бөгөөд рейтингээрээ хоёрт бичигддэг.

Энрике Иглесиас алдартай гэр бүлд төрсөн хүү. Түүний аав Хулио Иглесиас дэлхийд алдартай Испани дуучин. Харин ээж нь алдартай сэтгүүлийн сэтгүүлч байв. Энрике тэдний гурван хүүхдийн бага нь болон мэндэлжээ.

Түүний бүтэн нэрийг Enrique Migual Iglesias Praysler гэдэг бөгөөд 1975 оны 5-р сарын 8-ны өдөр Испанийн Мадридад төрсөн.