YouTube дээрх хамгийн муу клип сарын дотор 2 сая гаруй dislike авчээ /видео/

Германы дуучин 24 настай Bibi H-ийн "How It Is (Wap Bap…)" дууны клипийг YouTube дээрх хамгийн муу дууны нэг гэдгийг хүлээн зөвшөөрсөн байна. Энэхүү клип сарын дотор 2.2 сая гаруй dislike авсан байна.

Энэ нь дуучныг эмзэглүүлээгүй гэнэ. Түүний хэлснээр, ямар ч байсан клип нь ийм олон хүнд хүрч тархсан нь – амжилт хэмээсэн тухай BT мэдээлжээ.

Бүсгүй ярихдаа, түүний "How It Is (Wap Bap…)" дуу нь интернэтийн хэрэглэгчдээс сөрөг үнэлгээ авсан ч Герман, Австрийн чартад гайгүй явж байгаа гэж хэлсэн аж.

Дуучин мөн Жастин Бибер болон Майли Сайрус зэрэг алдартай уран бүтээлчдийн клип нь мөн мянга мянган dislike авч байсан гэж тэмдэглэжээ.

Bibi H-ийн жинхэнэ нэр нь Byanka Haynike гэдэг аж. Тэрбээр "Би үнэхээр энэ дуундаа хайртай. Миний найзын бичсэн энэ дуу дуулахдаа давхар аз жаргалтай байсан юм" хэмээн хэлсэн байна.

М.Баяр