Зүрх нь харагддаг орос охин 7 нас хүрчээ /Видео/

Хоёр жилийн өмнө тун ховор төрлийн зүрхний өвчтэй орос охины талаар цахим ертөнцөд тархаж олны гайхшралыг төрүүлээд байсан билээ. Энэ охиныг Вирсавия Борун гэдэг бөгөөд өдгөө 7 настай охины зүрхний цохилт нь харагддаг онцлогтой аж. 

Түүн шиг ийм эмгэгтэй төрөх нь тийм ч олон биш. Шинээр мэндэлсэн 1 сая хүүхдийн 5.5 нь ийм эмгэгтэй төрдөг гэнэ. Одоогоор яг ямар учраас ийм эмгэгтэй төрдөг нь тодорхойгүй байгаа юм. Ямартай ч  анх төрснийх нь дараа удаан амьдрахгүй хэмээн эмч нар анхааруулсан ч өдгөө охин бусдын адил сургуульд сурч, эрдэмд суралцаж байгаа аж.

Сонирхуулахад, сүүлийн 12 сард түүний эмчилгээнд зориулж, хандив цуглуулж эхэлсэн бөгөөд өдгөө 71 мянган ам.долларт хүрээд байгаа аж.

Ө.Уранзаяа