Ханхүү болон өндөр тушаалын түшмэдүүд нисдэг тэрэгний сүйрлээр амь үрэгджээ

Саудын Арабын баруун өмнө зүг дэх Асир тойргийн нутаг дэвсгэрт, Йементэй залгаа хилээс холгүй нисдэг тэрэг сүйрсэн байна. Уг хөлгийн бүхээгт хаант улсын өндөр албан тушаалтнууд явсан тухай "Аль-Жазира” телесуваг мэдээлжээ.

Нисдэг тэргэн дотор явсан есөн хүн бүгд амь үрэгдсэн бөгөөд тэдэн дунд Асир тойргийн орлогч эмир ханхүү Мансур бен Мукрин бен Абдель Азиз Аль Сауд болон тойргийн цагдаагийн дарга орсон байна.

Саудын Арабын хаант улсын үндэсний телевиз хааны гэр бүлийн гишүүн болон өндөр албан тушаалын найман хүн амь үрэгдсэн тухай баримтыг баталжээ. Тэдгээр албан тушаалтнууд тухайн бүс нутагт хяналт шалгалтын ажлаар явж байсан аж.

Saudi prince killed in helicopter crash near Yemen border - BBC News