BILLBOARD: 21-р зууны түүхэн дэх ШИЛДЭГ ДАХИЛТТАЙ 10 КПОП ДУУ
Аливаа дууны дахилт гэдэг бол тухайн дууг бүрэн дүүрэн илэрхийлэх ид шидтэй. Сонсголонтой хэмнэл, ойлгомжтой үг хэллэгтэй дуу сонсвол бүтэн өдөржин аманд аялагдаад байх тохиолдол гардаг л биз дээ?
Billboard-ийн #Chorus долоо хоногоор 21-р зууны Кпоп урлагийн шилдэг дахилттай 10 дууг нэрлэлээ. Эдгээр дуунууд нь Кпоп сонсогчдын зүрх сэтгэлд хоногшин үлдсэн юм. Чи ч бас үүнтэй маргахгүй гэдэгт итгэлтэй байна.
10. EXO, "Growl"
EXO хамтлагийн 2015 онд гаргасан "Call me baby" болон өнгөрсөн жил гаргасан "Monster" нь шилдэг уран бүтээл боловч "Growl"-ийн амжилтыг гүйцэхгүй л болов уу. Энэхүү дууг сонссон хүн бүрт дахилт нь аялагдах бөгөөд Кпопын хувьд дэгээ үг ямар чухал болохыг үүнээс харж болох юм.
9. BROWN EYES, "Already One Year"
"Би чамд итгэдэг/Би чиний сэтгэлд итгэдэг...." гэж дуулах энэхүү дуу нь Кпопын баллад дууны хэв маягт шинэ өнгө төрх оруулсан уран бүтээл юм.
8. ORANGE CARAMEL, "Catallena"
Кпоп урсгалын гайхалтай дахилттай дуунуудыг төлөөлж чадах нэгэн дуу бол "Catallena" юм. Bollywood-ийн диско хэмнэлийг Кпоп урсгалтай хослуулсан энэхүү дууны дахилт нь үнэхээр гоё биш гэж үү?
7. WONDER GIRLS, "Tell Me"
Хүн бүрийн мэддэг дахилттай Кпоп дуунуудын нэг бол яахын аргагүй "Tell me” билээ. Дахилт хэсэгт гарах "tell me, tell me” хэмээх мөр нь дууныхаа аятай төгс хослох төдийгүй Кпоп ертөнцөд олон өөрчлөлт авчирсан аж.
6. SUPER JUNIOR, "Sorry Sorry"
Super Junior хамтлагийн алдартай дуунуудын нэг бол "Sorry Sorry" юм. . Энэхүү дууны бүжиг Кпоп сонсогчдын хувьд аль хэдийнээ хүлээн зөвшөөрөгдсөн төдийгүй дахилт нь ч бас сонссон хүн бүрийн аманд аялагддаг аж. Кпоп сонсдог хүн бүр "Sorry Sorry"-ийн бүжиг, дахилтыг төвөггүй таниж чадна. Учир нь энэ бол SM энтэртайментын бүтээл шүү дээ.
5. BIG MAMA, "Betrayal"
2007 онд гаргасан "Betrayal” хэмээх дуу нь сэтгэл хөдөлгөм төдийгүй дахилтыг нь зөв дуулахад тийм ч амархан биш аж. Гэсэн хэдий ч, энэхүү дуу нь К поп ертөнцийн бас нэгэн шинэлэг дүр төрх юм.
4. PARK JIYOON, "Adult Ceremony"
Орчин үеийн Кпоп урсгалд шинээр төрөн гарч буй алдартай хамтлагууд "Adult Ceremony" дууг коверлодог болсон юм. 21 дүгээр зуунд төрөн гарсан энэхүү дуу нь Паг Жиюүнийг "жаахан" хүүхэд бус хүчирхэг эмэгтэй гэдгийг ч үзэгчдэд ойлгуулсан биз ээ. Үүнээс хэдхэн жилийн дараа BEG хамтлаг "Abracadabra" хэмээх халуухан, хэрнээ сүржин дахиалттай дуу гаргасан юм. Гэвч хэн ч "Adult Ceremony"-г үгүйсгэж чадахгүй . Учир нь тэр бол хит шүү дээ.
3. BIGBANG, "Lies"
Энэхүү уран бүтээл нь бүх цаг үеийн шилдэг К поп дуунуудын тоонд үргэлж багтдаг. Магадгүй "Lies" дууны амжилтанд хүрсэн гол шалтгаан нь дахилт биш гэж үү? 2007 онд гарсан энэхүү уран бүтээл нь К попд шинэлэг дүр төрх авчирсан төдийгүй, продьюсер, зохиолч Жидигийн авъяасыг тод томруунаар харуулж чадсан юм.
2. DJ Doc, "Run to You"
2000-аад оны эхээр гарсан "Run to You” хэмээх уран бүтээл нь Кпоп ертөнцөд бас нэгэн өөрчлөлт авчирсан алдартай дуу юм. Энэхүү дуу гарсан даруйдаа олон нийтийн дунд хит болсон бөгөөд алдартай болсон шалтгаан нь дахилт юм. Дууны дахилт хүн бүрийн аманд аялагдахаар хялбар хэрнээ , нэгийг бодогдуулж, хоёрыг тунгаалгахаар ажээ. Мөн энэхүү уран бүтээл нь Кпопын цар хүрээг дэлхий дахинд тэлэхэд хүчтэй нэмэр оруулсан гэдэгтэй хэн ч маргах аргагүй юм.
1. GIRLS' GENERATION, "Gee"
"Gangnam style" гарахаас өмнө Кпопын хамгийн их хандалттай уран бүтээл бол ""Gee" байсан юм. Энэ дууг хэдэн зуун сая хүн үзсэн гол шалтгаан нь гайхалтай дахилт байсан гэдэг нь гарцаагүй. "Gee Gee Gee Gee baby baby…”"
Энэхүү сэтгэл хөдөлгөм дахилт нь шинэ үеийн фэнүүдийн зүрх сэтгэлийг эзэмдэж, К поп ертөнцөд шинэ амжилт авчирсан юм.
