Сансарт пицца хийж нөхдөө дайлжээ (видео)
Олон улсын сансрын станцийн баг түүхэнд анх удаагаа жингүүдлийн нөхцөлд пицца хийсэн байна. Италийн сансрын нисгэгч Паоло Несполи уг ажлыг гарджээ. Түүний хэлснээр итали хоол хийх бодол санаа түүний толгойд байгаагүй гэнэ. Пицца хийхэд шаардлагатай бүх зүйл Олон улсын сансрын станцад ирж залгагдсан ачааны хөлөг онгоцонд байжээ.
Хоёр жилийн өмнө Олон улсын станцын нисгэгчид жинхэнэ эспрессо кофег аяганаас ууж чадсан юм. Мөн л Италийн сансрын нисгэгч Саманта Кристофоретти тусгайлан бүтээсэн кофены машиныг авч явжээ. Энэ машины бэлэн болгосон сансрын кофег нийлэг уутанд шахах бөгөөд түүнээс соруулаар ууж болдог байв. Тэгвэл эрдэмтэд энэ аргыг тийм ч тухтай зүйл биш хэмээгээд тусгай аягыг бүтээснээр сансрын нисгэгчид жинхэнэ халуун кофег тамшаалан уух боломжоор хангагджээ.
