Ухаалаг гар утасны гэр кофе чанана (видео)
Өглөө хүмүүс ажилдаа яарахдаа аяга кофе ууж амжихгүй байх нь бий. Тэгвэл Италийн мэргэжилтнүүдийн зохион бүтээсэн Mokase гэдэг нэртэй шинэ төхөөрөмж энэ асуудлыг шийдвэрлэх болжээ. Mokase-г харвал үүрэн гар утасны ердийн нэг гэр юм. Түүний зузаан ердөө долоон миллиметр. Гэтэл ухаалаг гар утасны энэ гэр 5-8 секундын дотор аяга халуун кофе чанах чадвартай гэнэ.
Ингэхийн тулд түүн дотор тусгай хальсыг хийхэд л болно. Тэр нь тусдаа худалдаалагдах юм. Хальсанд буй хавсралт ердөө 5-8 секундын дотор 25 грамм кофег буцалгаж орхино. Хөнгөн цагаан төмрөөр хийгдсэн гуурсаар кофег аягалах боломжтой. Утасны гэрийн хамт багахан хэмжээний эвхэгддэг аяга танд ирнэ.
