Буцаан олголтоо авахын тулд 2017 оны баримтаа энэ сарын 8-ны дотор бүртгүүлнэ
Буцаан олголтод хамрагдахын тулд 2017 оны баримтаа энэ сарын 8-ны дотор бүртгүүлэхийг Татварын ерөнхий газраас анхааруулж байна.
Буцаан олголтыг 2018 оны эхний улиралд багтаан олгох юм.
НӨАТ-ын тухай хуульд зааснаар доор дурдсан нөхцөл, шаардлагыг хангасан албан татвар төлөгчийн тухайн татварын жилд албан татвар суутган төлөгчтэй хийсэн худалдан авалтад төлсөн албан татварын 20 хүртэл хувийг буцаан олгодог. Үүнд:
- Албан татвар суутган төлөгчөөс худалдан авсан байх
- Худалдан авалт татварын албанд бүртгэгдсэн байх
- Албан татвар ногдсон бараа, ажил, үйлчилгээ байх
- Бүртгэлийн хэрэгсэл буюу бүртгэлийн машинд бүртгэгдсэн байх.
Мөн НӨАТ төлөгчийн худалдан авалтад төлсөн нэмэгдсэн өртгийн албан татварыг буцаан олгох журамд заасны дагуу албан татвар төлөгч нь төлсөн албан татварынхаа 20 хүртэлх хувийг буцаан авах хүсэлтэй бол нэмэгдсэн өртгийн албан татварын нэгдсэн системийн хэрэглэгчийн хэсэгт нэвтрэн, системийн өгөгдлийн дагуу дараах мэдээллийг бүртгүүлсэн байх шаардлагатай. Үүнд:
- Хэрэглэгчийн овог, нэр
- Регистрийн дугаар
- Цахим шуудан /имэйл/-ийн хаяг
- Утасны дугаар
- Албан татварын буцаан олголтоо авах Монгол Улсад бүртгэлтэй банк, дансны дугаар.
Албан татвар төлөгч нь журмын дагуу бүртгэлийн мэдээллийн үнэн зөвийг өөрөө хариуцах үүрэгтэй.
Харин 2018 оны нэгдүгээр сарын сугалааны тохирол 21-ний ням гарагт болно.
Та ebarimt.mn сайтаар нэвтрэн мэдээллээ шалгана уу.
