|

МУГЖ, Т.Ариунаа “Хорвоог дүүргэж дэргэд байгаарай”

 

МУГЖ, дуучин Т.Ариунаа "Хорвоог дүүргэж дэргэд байгаарай” ханийн тухай магтан дуулсан дууны клипийг амралтын өдрийн видео мэдээ булангаараа хүргэж байна.

Энэхүү дууны үгийг МУСГЗ, яруу найрагч Ц.Хулан бичсэн бол аялгууг СГЗ, ая зохиогч Л.Балхжав, хөгжмийн найруулгыг "UP Music” продакшны продюсер  Н.Халиун, дууны бичлэгийг "Намуун” студийн захирал Х.Баярсайхан зэрэг уран бүтээлчид хийжээ.

Амралтын өдрүүдийг хайртай хүмүүстэйгээ хамт өнгөрүүлээрэй.

"Хорвоог дүүргэж дэргэд байгаарай” дууны үг 

Чиний эзгүйд би цамцыг чинь дэрлэж унтдаг
Ийм л дотнохон үнэр хорвоогоос олдохгүй
Нэрийг чинь гийгүүлдэг эгшиг байхсан
Замыг чинь ариулах цагаан сүү байхсан
Миний өлмийд чи хайраа асгаж амьдардаг
Ийм л үнэн сэтгэлийг хэнээс ч би олохгүй
Алдааг чинь уучилдаг цагаатгал байхсан
Айдсыг чинь үргээх залбирал байхсан би

Дх:
Хань минь чамдаа би ямар хайртай гэж санана аа
Чамгүйгээр амьдрана гэж санаанд багтахгүй ээ
Хань минь чамдаа би ямар хайртай гэж бодно оо
Хэнд ч энэ үгээ би дахин хэлэхгүй
Энгэрт минь урт наслаарай
Энхрийлэлд минь удаан жаргаарай
Хонгорхон зүрхнээсээн гуйя
Хорвоог дүүргэж дэргэд л байгаарай
Хорвоог дүүргэж дэргэд л байгаарай

Чи минь салхи болвол би салхи болно оо
Чимээгүй борооны дуслаар мэлмэрэн урснаа
Чамайг од болж тэнгэрт асвал
Чанх дэргэд чинь бас од болж гэрэлтэнэ ээ

Дх:
Хань минь чамдаа би ямар хайртай гэж санана аа
Чамгүйгээр амьдрана гэж санаанд багтахгүй ээ
Хань минь чамдаа би ямар хайртай гэж бодно оо
Хэнд ч энэ үгээ би дахин хэлэхгүй
Энгэрт минь урт наслаарай
Энхрийлэлд минь удаан жаргаарай
Хонгорхон зүрхнээсээн гуйя
Хорвоог дүүргэж дэргэд л байгаарай

Энгэрт минь урт наслаарай
Энхрийлэлд минь удаан жаргаарай
Хонгорхон зүрхнээсээн гуйя
Хорвоог дүүргэж дэргэд л байгаарай
Хорвоог дүүргэж дэргэд л байгаарай

994
  • МОНГОЛ БИЧЛЭГ: Бүгд бүдэрдэг байнаш дээ Үзсэн   2460 2014-07-25
  • Хөхний даруулга доторх хорт хавдар үүсгэгчийг авч хая! Үзсэн   1461 2015-12-09
  • Гурван найз - 02 анги Үзсэн   1640 2015-01-19
  • Өнгөрсөн долоо хоногийн шилдэг 10 хөгжилтэй бичлэг Үзсэн   1425 2014-09-15
  • Холливудын оддын бодит дүр төрх VIDEO Үзсэн   1311 2015-03-13
  • О.Магнай "сонгуулийн сурталчилгаа"-гаа нүүрс тараалтаар үргэлжлүүлэв Үзсэн   1165 2015-11-16
  • Сэрчмаа - Шинэ жил ирлээ /New video/ Үзсэн   1389 2015-12-07
  • Хөгжилтэй бичлэг Үзсэн   1336 2015-07-06
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.