|

Дүүгээ анх удаа тэвэрч буй жаалхүү олны хайрыг булаав

Массачусетс мужийн Мелрөүз хотын оршин суугч Жессика болон Майкл Маротта нарын зургаан настай хүү Майки нь эцэг, эхээсээ эрэгтэй дүүтэй болгож өгөхийг үргэлж хүсдэг байжээ. Ээж нь хэдийгээр жирэмсэн болсон ч 2017 нэгдүгээр сард 11 долоо хоногтой ураг нь эндсэн аж. Тиймээс хүүгээ дүүтэй болгох нь хосуудын хувьд маш хүнд асуудал болжээ. 

Эцэг, эх нь хүүдээ энэхүү гунигт явдлын талаар огт яриагүй байна. Энэ талаар 39 настай Жессика бүсгүй "Хүү маань дандаа л "Би хэзээ эрэгтэй дүүтэй болох вэ?” хэмээн асуудаг байлаа. Хүүгээ дүүтэй болгох нь үнэндээ амаргүй байсан тул бид "Цаг нь ирэхээр болно доо” гэдэг байв. Найзууд болон ангийнхан нь бүгд дүүтэй болсон нь Майкид хүндээр туссан байсан байх. Тиймээс бид нэмэр дээр нэрмээс болж хүүгээ зовоохгүйн тулд дүү нь эндсэн талаар хэлээгүй юм. Бид удаан хугацаанд хичээсний дүнд хүүхэд олсон ч түүнийгээ алдчихсан. Бидэнд маш хэцүү байсан. Гэхдээ олон гэр бүлд ийм зүйл тохиодог болохоор даваад гарах л хэрэгтэй болсон” хэмээсэн юм. 

Энэ явдлаас хойш найман сарын дараа Жессика бүсгүй дахин жирэмсэн болсноо мэдсэн ч болгоомжлох үүднээс 12 долоо хоногтой болсныхоо дараа л хүүдээ хэлжээ. Майки хүү дүүтэй болно гэдгээ мэдээд магнайгаа хагартал баярласан гэнэ. 
Ийнхүү гуравдугаар сарын зургаанд бяцхан Жэйк хүү мэндэлжээ. Гэхдээ тэрбээр хугацаанаасаа есөн долоо хоногийн өмнө төрсөн байна. Тиймээс Майки дүүгээ тэврэх мөчийг дахин 10-аад хоног хүлээх хэрэгтэй болжээ. Ийнхүү хүсэн хүлээсэн өдөр нь ирж дүүтэйгээ уулзаж буй Майки хүү үнэхээр хайр татам байсан гэнэ. Зургаахан настай жаалхүү сэтгэл хөдлөлөө барьж дийлэхгүй байсан юм. "Үнэхээр хайр хүрэм байсан. Хүү маань маш их догдолсон. Тэр сандарсандаа хөхөрч, нүдээ хурдан хурдан цавчилж байсан” хэмээн ээж нь ярьжээ. 

Ээж, хүү хоёр 62 хоногийн дараа эмнэлгээс гарсан байна. Том хүү нь ахынхаа үүргийг хэрхэн биелүүлж буй талаар Жессика бүсгүй "Майки дүүдээ маш их хайртай. Дүүгийнхээ дэргэдээс холдохгүй, түүнд хөгжилтэй, хөөрхөн үлгэрүүд ярьж өгдөг. Жэйк ахдаа амар тайван байдлыг авчирсан. Жэйкийг уйлж эхлэхэд Майки гүйж ирээд түүнийг тайвшруулдаг. Хүү маань ахын үүргээ сайн биелүүлж байгаа. Тэд хамтдаа байх дуртай. Жэйкийг инээлгэсэн анхны хүн нь Майки. Удаан хугацааны турш тэр зөвхөн Майки руу л харж инээмсэглэж байсан. Би хөвгүүд минь насан туршдаа ойр дотно байна гэдэгт итгэлтэй байна" хэмээн бичсэн байна. 
71
  • Гар утасны донтолт /солонгос клип/ Үзсэн   2460 2014-07-29
  • “NIKE SNOW DAY” бичлэгийг YOUTUBE сайтаар 9 сая гаруй хүн үзсэн байна Үзсэн   460 2015-11-17
  • “A-sound” хамтлаг том алдаа хийв Үзсэн   736 2014-10-04
  • Цэцэ шинэ уран бүтээл "X Don Dior - Water" Үзсэн   106 2018-08-27
  • Ц.Нямдорж С.Зориг агсаны хэргийн талаар ийм тайлбар өгөв Үзсэн   977 2017-03-27
  • М.Уранцэцэгтэй барилдсан жудоч ухаан алдаж унав (бичлэг) Үзсэн   1196 2014-10-08
  • Цагдаагийн машиныг ачих гэсэн ачилтын машины ажилтнуудыг 10 гаруй цагдаа нар нийлж зодон, цагдаагийн байр руугаа чирж байна Үзсэн   203 2018-06-08
  • Лууван ш дээ!!! (Amazing) Үзсэн   428 2015-10-14
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler