|

Жүжигчин Баян Баясаа "эгчийн минь өвчинг Хайр л зөөллөдөг байсан"

Монголын хамгийн баян жүжигчин гэгдэх болсон Ж.Баясгаланг танихгүй хүн үгүй. Түүнийг баян хэмээн дуудах болсон нь урлагийн найзуудаа ивээн тэтгэдэг учраас л ийн "баян Баясаа" гэдэг болсон гэх.

Тэгвэл тэрбээр өөрийн цахим хуудаснаа "Бид эцэг эхээс тавуулаа 2 хүү 3 охин яг л гарын 5 хуруу шиг. Ах нь хамгаалж эгч нь халамжилж аав, ээждээ эрхэлж элэг бүтэн тоглож өссөн. Би айлын 4 дэх хүүхэд буюу отгон хүү. Үргэлж л ам бүл олноороо бахархаж 1 алим олдсон ч хувааж идэж миний юм гэдэг ойлголтгүй бидний гэдэг л ойлголттой байлаа.

Ялангуа миний дээд талын эгч маань ахтай, эгчтэй, эрэгтэй, эмэгтэй дүүтэй би энэ дэлхийн хамгийн азтай хүн гэж үргэлж ярьдагсан. 1985 онд эгч маань ангийнхантайгаа тоглож байгаад мөсөн дээр унаснаас хойш аюулт өвчин туссан. Аав, ээж ах дүү бүгд л тэр өвчний эсрэг тэмцсээр бид 24 жилийг өнгөрөөж энэрэлгүй орчлон биднээс эгчийг минь булаан авч одсон юм.

Энэ явдал манай гэр бүлд маш том цохилт болсон. Тэр тусмаа ахад маань хамгаас хүнд туссан. Би ахтай хүн бүрийг азтай гэж боддог. Ах хүн дүүгийнхээ төлөө амиа ч өгөхөд бэлэн байдаг. Тэр хүнд үед эгчийн минь өвчинг Хайр л зөөллөдөг байсан. Хүнд хэлж чадаагүйгээ хэлэх хүсэл үргэлж байдаг. Ах маань энэ хүслээ дуу болгон дүүдээ хэлэх гэж энэ дууг бүтээлгэсэн билээ. Гэхдээ энэ дуу бүх ах эгч нарын хайртай дүү нартаа зориулсан дуу гэж бид боддог. Дуучин Д.Найдандорж энэ дууг үнэхээр сайхан дуулсан. Тиймээ ХАЙРААР ЗӨӨЛӨРДӨГ ХОРВОО..." хэмээн өөрийн амьдралынхаа хэсэгхэн түүхийг хуваалцав.

Энэхүү эрхэм дуу дуучин Д.Найдандоржийн энэ сарын 30-нд Монгол бөхийн өргөөнд болох "Хайраар зөөлөрдөг хорвоо" тоглолтод дуулагдах гэнэ.

 

1777
  • Бичүү-"Намайг сонс" шинэ уран бүтээл Үзсэн   848 2016-06-02
  • Д витамины хэрэглээний тухай (бичлэг) Үзсэн   1044 2016-10-05
  • "It: Chapter Two" кино “Box Office”-ийг дахин тэргүүллээ Үзсэн   707 2019-09-17
  • Чимээгүй гээд байхад даа хаха Үзсэн   1000 2015-09-12
  • Одод харвах тоолонд (Радио драма - Бундын тамга) Үзсэн   2661 2014-07-24
  • Eminem өөрийгөө Чингис хаантай зүйрлэсэн гэж дуундаа өгүүлжээ Үзсэн   3187 2014-08-26
  • Шинэ Үе 2019 - Чөлөөт Эмэгтэйчүүд Хошин Шог Үзсэн   1095 2019-03-10
  • Шинэ клип: УИХ-ын гишүүн С.Жавхлан гэргийдээ "Эхийн дуу"-ны шүлгийн тэрлэж өгчээ Үзсэн   706 2019-09-20
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.