Ихэр эгч дүүс 102 насны төрсөн өдрөө тэмдэглэжээ
Ихэр эгч, дүүс болох Филлис Жонес, Айрене Крамп нар урт насалж, ануухан харагдаж буй нууцаа биед нь төмрийн агууламж өндөр байж, өдөрт хоёр хундага хатуухан юм уучихдагтай нь холбоотой гэж үздэг.Гэхдээ тэдний нэг нэгнээ түшин хамтдаа амьдарч буй нь эрүүл саруул байгаагийнх нь гол нууц болов уу.
Ихрүүд өчигдөр буюу 11-р сарын 20-нд 102 насныхаа төрсөн өдрийг тэмдэглэсэн байна. Филлисийн хүү 59 настай Карл "Би ээж болон нагац эгч Ренегээрээ маш их бахархдаг. Би сайтар баталгаажуулах ёстой ч ээж, эгч хоёр маань Британи дахь хамгийн өндөр настай ихрүүд. Одоохондоо би Гиннесийн номынхонтой холбогдоогүй байгаа. Гэхдээ холбогдох болно” хэмээжээ.
Тэд 1916 онд төрсөн бөгөөд дэлхийн хоёр ч дайныг үзсэн улс. 100 насныхаа төрсөн өдрөөр эгч дүүс Хатан хаан Елизаветаас ил захидал хүлээж авч байжээ.
"Тэдний үе мөч өвддөгийг эс тооцвол цусны даралт болон бусад эрүүл мэнд нь гайхалтай сайн байгаа. Тэд дахиад хэдэн жил амьдарч чадна, учир нь тэдний эрүүл мэнд доройтож байгаа ямар нэг шинж тэмдэг илрээгүй. Би тэднийг өдөрт багадаа нэг удаа, заримдаа бүр дөрвөн удаа үздэг. Ээж, нагац эгч хоёр мааань хамтдаа амьдардаг. Заримдаа нэг нэгэнтэйгээ таардаггүй. Тэгэх нь ч аргагүй, тэд чинь бусдын л адил ихрүүд, эгч дүүс шүү дээ” хэмээн хүү Карл нь ярьсан юм.
Филлис өдөрт ганц хундагыг уух дургүй, тэр хоёр юм уу гурван хундага хатуухан дарс хүртэж орхих дуртай гэнэ. Харин Айрене төмрөө хангалттай авч байх нь эрүүл байх гол түлхүүр гэж боддог гэнэ. Тэрээр "Өвөл ээж маань галд шилээвэр хийж, тэр дор нь гаргаж ирээд шилэн аяганд дүрж орхидог байсан. Тэр бол хүний биед хэрэгтэй төмөр юм л даа. Магадгүй ээжийн маань энэ арга надад тусласан байх” хэмээсэн юм.
