|

Өөртөө хиймэл гар бүтээсэн 19 настай инженер залуу

Шинэ бүтээл, шилдэг санааг хэрэгжүүлэн танилцуулагчид үргэлж залуу зохион бүтээгчдийн тархинаас урган гарч ирж байдаг. Тэгвэл үүний нэгэн бахархмаар жишээг харуулж чадсан 19 настай авьяаслаг залуу инженер Дэвид Агиларын бүтээлийг онцолж байна. Тэрээр "Lego” тоглоомыг ашиглан өөртөө хиймэл гар бүтээн танилцуулсан юм. Олон нийтийн цахим сүлжээн дэх Youtube хуудсанд Lego тоглоомоор хийж бүтээсэн олон мянган гайхалтай бүтээлийг олж харж болно.

Гэхдээ Дэвид Агиларын хийж бүтээсэн зүйл бусдын анхаарлыг илүүтэй татаж чадсан байна. Түүний баруун гарын тохойных нь үе хэсэг байдаггүй. Гэхдээ тэрээр тахир дутуу байхаасаа хэзээ ч имээж санаа зовж, бусдаас өөрийгөө нууж явдаггүй нэгэн. Амьдралын идэвхтэй хэв маяг, өөдрөг сэтгэлгээ, бүтээлч байдаг явдал нь түүнд нийгэмд эрүүл зөв амьдрах урам дэм өгдөг юм. Анх 10 жилийн өмнөөс л түүний санаанд өөртөө хиймэл гар хийж бүтээх санаа төрж байсан байна. харин өнөөдрийн байдлаар тэрээр бодлоо бодит болгож чадсан. Тэрээр одоогоор "MK-4” загварын 4 дэх үеийн хиймэл гараа бүтээгээд байгаа. Анхны хувилбар болох Lego тоглоомоор хийсэн MK-1 хиймэл гараа ердөө нэг жилийн өмнө нь л хийж үзсэн байна.

 

Энэ бүх хугацаанд тэрээр Lego тоглоомын маш олон төрөл загварыг цуглуулан судалж, хооронд угсарч туршиж байжээ. Түүний өөртөө зориулан хийсэн хиймэл гар нь биеийн хүчний ажил хийхэд зориулагдаагүй ч өдөр тутмынхаа амьдралд ашигладаг зүйлсдээ хангалттай үйлдлийг хийх боломжтой гэжээ. Мөн энэ нь тийм ч өндөр үнээр босоогүй нь гол давуу тал нь болж байгаа юм. Өөр олон төрөл загвар, зориулалтын гар хийх боломж цаана нь байсаар байгааг илтгэж байгаа юм. Өнөөдрийн зах зээлд стандартын хэлбэр хэмжээ, зориулалтын материалын хийцийн хиймэл гар хөл ойролцоогоор 5000-50000 ам.долларын үнэтэй байдаг байна. Харин түүний энэ бүтээл энэ өндөр үнээр хиймэл гар болон хөлтэй болж чадахгүй байгаа хүмүүсийн асуудлыг хялбархан шийдэж чадсан юм. Түүний бүтээлийг сонирхох улс цөөнгүй байгааг ч онцолсон байна.

766
  • Biye unelegch Hoshin shog 2011 Үзсэн   3604 2014-07-21
  • “Өрөвтас шувууд” хүүхэлдэйн кино тэргүүллээ Үзсэн   1556 2016-10-03
  • Сайхан зургийн ард Үзсэн   942 2019-06-10
  • Shakira - Can't Remember to Forget You ft. Rihanna Үзсэн   1476 2014-10-28
  • Нүүр буддаг төхөөрөмж Үзсэн   1039 2015-06-16
  • Цензургүй яриа - С.Ганбаатар УИХ-ын гишүүн Үзсэн   1973 2015-06-09
  • Солонгос охидын хамтлагийн бүжгийн бэлтгэл /бичлэг/ Үзсэн   1781 2014-08-14
  • АНУ-ын оршин суугч "live" хийж байхдаа бууны суманд оногджээ Үзсэн   1211 2018-01-04
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.