Н.Байгалмаа: Би ээж хүн биш байсан бол амиа хорлох байсан

Монгол улсаас Англи улсын Лондон хот хүртэл тэмээтэй аялах их аянд гарсан Н.Байгалмаа хоёр дахь удаагаа телевизэд ярилцлага өгчээ. Эх орондоо дөнгөж ирээд байгаа түүний аялал Казахстан улсаас үргэлжилж буй бөгөөд түүнийг аян замдаа гараад удаагүй байхад түүнийг тойрсон хэл ам тархаж эхэлсэн нь түүнд тун ч эмзэг туссаныг тэрээр энэхүү ярилцлагынхаа үеэр дурдсан байна.

Тухайн үед хоёр охиноо бодоод тэр бүх хэл амыг даван гарсан гэх тэрбээр "Хэл ам гарч байх үед хэрэв би ээж хүн биш байсан бол бараг амиа хорлохоор санагдаж байсан. Өдөр, шөнөгүй утас хангинана, өдөр шөнөгүй гэр бүл рүү заналхийлнэ. Гэхдээ эх хүн болоогүй байсан бол давж гарахгүй байсан байх. Энэнээс хэцүү зүйл гэж байхгүй. Үүн шиг зүйлийг өөртөө багтаачихсан хүнд энэнээс цаашаа зовж, шаналах зүйл үнэндээ алга" хэмээжээ.  

Тэрээр энэ удаад Монгол тэмээнүүдээ эх оронд нь үлдээн Казахстан улсаас шинэ тэмээдтэй аялалд гарч буй бөгөөд гурван улс дамнасан аялал болох ажээ. 

Ингээд түүний оролцсон "Улаан бал" нэвтрүүлгийг бүрэн эхээр нь хүргэж байна.