Kpис Полын гайхалтай нэгэн түүх

West Forsyth ахлах сургуулийн сурагч хүү Крис Пол нэгэн өдөр аймшигтай нэгэн мэдээ хүлээж авав.Тухайн өдөр түүний хамгийн том шүтэн бишрэгч нь болох хайртай өвөө нь бусдын гарт амиа алдсан сэтгэл сэртхийлгэм мэдээ байлаа.Түүний өвөө нь 61 насандаа бусдын гарт амиа алдсан бөгөөд Полын хамгийн том фэн нь байсан юм..Уг аймшигт хэргийн өмнөх өдөр нь Крис Пол Уэйк Форестын их сургуулийн сагсан бөмбөгийн бүрэн тэтгэлэгт хамрагдсан баярт мөч тохиогоод байсан ч энэхүү аймшигт мэдээг сонссон Пол асар их сэтгэлээр унаж хүнд цохилт болов.
Гэхдээ тухайн үед сэтгэл санааны хувьд маш хүнд байсан ч Крис Пол ахлах сургуулийнхаа улирлын ээлжит тоглолтондоо өвөөгөө хүндлэн тоглохоор боллоо.Тухайн тоглолтонд Крис Пол талбайд үнэхээр шилдэг нь байсан бөгөөд 61 оноо аван тоглолтыг гайхалтай дуусгасан юм.

Тоглолтын сүүлийн 2 минутанд 59 оноо аваад байсан Пол оролт хийн алдаатай довтолгооныг хийн газарт хэвтэн маш ихээр уйллаа.61 дэх оноогоо аваад байсан Пол нэмэлт шидэлтээ хийх мөчдөө албаар алдсан бөгөөд дасгалжуулагч тухайн үед маш хурдан солилцоог хийж Полыг сэлгээнд суулгав.Сэлгээнд суух мөчдөө тоглолтыг нь үзээд сууж байсан аав дээрээ очин аавыгаа тэврэн уйлах мөчид зааланд байсан бүх хүн түүнд босч хүндэтгэл үзүүлсэн юм.
Түүний нэмэлт шидэлтээ алдсаны учир нь түүний өвөө нь 61 насандаа амь алдсан учир өвөөгийнхөө амьдарсан жил болгонд нь оноо авсан хүндэтгэл байсан юм.Тийм ээ өвөө нь түүний хамгийн том шүтэн бишрэгч нь байсан хэмээн Крис Пол дурсан ярьдаг.