Амазоны ширэнгэн ойн 2,000 голомтод дахин түймэр дэгджээ
Амазоны ширэнгэн ойд гарч буй гал түймэр улам нэмэгдэж байна. Бразилийн засгийн газар өнгөрсөн долоо хоногийн пүрэв гарагт түймрийн эсрэг арга хэмжээ авах талаар хэлэлцсэн. Ингээд саяхнаас хүчин чармайлт гаргаж эхэлсэн юм.
Бразилчууд гал түймрийг зогсоох тухай хориг тавьснаас хойш 48 цагийн дотор дахин 3,859 голомтод түймэр дэгджээ. Үндэсний сансар судлалын хүрээлэнгийн нийтэлсэн хиймэл дагуулын зургаас харахад 2000 орчим нь Амазоны ширэнгэн ойд гарсан гэж "Daily Mail” вебсайт мэдээлэв.
Энэ жил Бразилд 88,816 удаа түймэр гарсны 51.9 хувь нь Амазоны ширэнгэн ойд дэгдсэн аж.
Наймдугаар сард Амазоны ширэнгэн ой шатаж байгаа талаарх мэдээлэл дэлхий дахинд тархаж, олны анхаарлыг татсан. Эхлээд Бразилийн засгийн газар мэдээллийг намдааж, тусламж авахаас татгалзаж байв. Харин саяхан тус улсын ерөнхийлөгч Жаир Болсонару Их Долоо-гийн гишүүн орнуудаас 20 сая ам.долларын тусламж хүлээж авсан гэдгээ мэдээлжээ. Түүнийг уур амьсгалын өөрчлөлттэй тэмцэхгүй байна гэж шүүмжилсэн Францын ерөнхийлөгч Эммануэль Макрон бүдүүлэг зан гаргасандаа уучлалт гуйсны дараа тусламжийг хүлээн авсан гэнэ.
