"Никитон" хамтлагийн онлайн тоглолтыг 450 мянган хүн үзжээ
1993 онд байгуулагдан монголын рок хамтлаг бол "Никитон". Энэ онд 25 жилийн ойн нь тохиож байгаа тус хамтлагийнхан үзэгчидтэйгээ дахин цэнхэр дэлгэцээр уулзлаа. Тодруулбал, "Никитон" хамтлагийн "Монголдоо хайртай" онлайн Live тоглолтыг өчигдөр 20:00 цагаас Боловсрол сувгаар шууд дамжуулан хүргэсэн билээ. Монголдоо хайртай аяны хүрээнд зохион байгуулагдсан энэхүү тоглолт Боловсрол телевиз, "Ard News", "Монголдоо хайртай" фэйсбүүк хуудас шууд дамжуулсан юм. "Никитон" хамтлагийн тоглолтыг онлайнаар 450 мянган хүн үзжээ. Тоглолтод Гавьяат жүжигчин, дууучин Б.Сарантуяа, Ж.Алтанцэцэг нар урилгаар оролцож ая дуугаа өргөсөн.
"Монголдоо хайртай" аяны хүрээнд зохион байгуулж буй энэхүү тоглолтыг "On&Off" продакшн, "Max music entertaiment” дэмжин ажиллажээ.
Эргэн сануулахад, монголынхоо рок попынхоо ертөнцөд өөрсдийн өнгө төрхөө тамгалан яваа "Никитон"-чууд өнгөрсөн зургаадугаар сард Төв цэнгэлдэх хүрээлэнд 25 жилийн ойгоо үзэгч, фенүүдийнхээ хамт нижгэр тэмдэглэсэн юм.
"Никитон" хамтлагийн онлайн Live тоглолтыг хүргэе.
