Сурагчдаа “Гахай, гуйлгачин” гэж загнасан багш халагджээ
ОХУ-ын Чебоксарын 56 дугаар сургуулийн орос хэл, утга зохиолын багш тавдугаар ангийн сурагчдыг хог хаялаа гэж уурлан, "Гуйлгачин, гахай" хэмээн загнажээ.
"Гахайнууд аа, надад хэл дээ. Шалан дээр юу байна? Хэн нэг нь дутуу гудраа юу? Та нарын хогийг том хүн араас чинь цэвэрлээд явж байна” гэх зэргээр загнасан байна.
Сурагчид түүний яриаг гар утсан дээр бичиж, олон нийтийн сүлжээнд тавьсан байна. Чебоксар хотын захиргаа тэрхүү бичлэгийг үзээд, хотын бүх сургуулийн багш нарт ёс зүйн талаар сургалт явуулах шийдвэр гаргасан бол 56 дугаар сургуулийн захирал албан ёсоор уучлалт гуйжээ.
Ууртай багшид сануулга өгсөн ч өөрийн хүсэлтээр ажлаасаа халагдсан гэнэ. Хамгийн сонирхолтой нь, Чебоксар хотын боловсролын газраас тус сургуульд сэтгэл зүйчдийн баг илгээж, загнуулсан сурагчдын сэтгэлийн шархыг анагаахаар болсон байна.
