Монголын анхны марк 1924 онд хэвлэгджээ

Эх үрсийн жаргал сэдвэн дор эмэгтэй хүний гоо үзэсгэлэн энэрэнгүй сэтгэлийг илтгэсэн орон орны маркны цуглуулгыг гурван самбарт дамнуулан үзүүлжээ. Энэ цуглуулганы эзэн бол 8 настай Билгүүн хүү юм. Билгүүний анхны үзэсгэлэн Монгол маркийн 90 жилийн ойд зориулсан үзэсгэлэнд тавигдсан нь энэ. Хорвоод мэндэлсэн өдрөөс нь эхлэн өвөө нь хүүдээ зориулж марк цуглуулж, харин мэдээ орсон цагаасаа өөрөө бие даан цуглуулсаар одоо 6-7 сэдэвтэй 300 хол давсан марктай болсон гэж бидэнд ярьсан юм. Монгол улсад анхны марк хэвлэгдснээс хойш өдгөө 90 дэхь жилтэйгээ золгож байна. тэмлэглэлт өдрийг тохиолдуулан Монгол шуудан компани, Монголын филателийн холбоо, монгол маркийн газраас хамтран Үндэсний түүхийн музейд 5 өдөр үргэлжлэх Монголын Филателийн Үндэсний үзэсгэлэнг өнөөдөр нээлээ. Үзэсгэлэнд 11 цуглуулагчийн 800 д төрийн марк, дугтуй, ил захидлыг дэлгэн үзүүлжээ. Энэ үзэсгэлэнгээс 1924 онд хэвлэгдсэн монголын анхны 7 цуврал маркийг үзэж болно. Тэдгээр маркийг монголын шуудан холбоо гакрын анхны дарга Бат-очир гэдэг хүн хийж байсан түүхтэй бөгөөд монголын тусгаар тогтнолыг илтгэн агуулжээ. Ийнхүү анхдагчаас өгсүүлээд нийгмийн түүхийг бүхэлд нь үечлэн харуулсан байна. Мишээл 6 настайгаасаа марк цуглуулж эхэлсэн. Түүний цуглуулгууд тив дэлхийн 24 удаагийн үзэсгэлэнгээс удаа шагнал хүртжээ. Голдуу космос, үндэсний хувцас сэдвээр оролцдог юм байна. Энэ жилийн хувьд 4 сард Тайван улсад болох үзэсгэлэнд ороцохоор бэлтгэж байгаа гэнэ. Дашрамд сонирхуулахад Монгол улсын хувьд марк идэвхитэй цуглуулдаг 100 гаруй хүн бий. Харин өмнөд хөршид 20 гаруй сая байдаг гэсэн. Марк бол цуглуулгын хаан. Тэрчлэн цаг үеийн түүхийг хадгалж үлддэг учраас улс орны үнэт өв бас үнэт цаас юм. Энэ ач холбогдлыг хүүхэд залууст таниулан мэдүүлэх шинэ менежмент одоо цагт хэрэгтэй байна гэж Монголын фелатилийн холбооны зүгээс үзэсгэлэнгийн нээлтийн үеэр хэлж байлаа.