Үзэсгэлэнт Монгол орон
ОХУ-ын гэрэл зурагчин Денис Французов эхнэрийн хамт өнгөрсөн зун Монголын говь, Алтай нутаг, Хөвсгөлөөр 40 гаруй хоног аялжээ.
Энэ хугацаанд 100 мянга гаруй гэрэл зураг авсан бөгөөд эдгээр зургаа монтажилж богино хэмжээний кино хийжээ.
Тэрбээр энэ тухай "Энэхүү гайхамшигтай улсын тухай богино хэмжээний кино хийх зорилготойгоор бид зун Монголд ирсэн. Өдөр бүхэн бидний эргэн тойронд гайхалтай зүйлүүд болж байв. 40 хоногийн хугацаанд хэр олон зураг авчирч болох вэ? Хэдэн зуун? Магадгүй хэдэн мянга? Тэгвэл бид Москвад ирэхдээ 100 мянган зурагтай ирсэн. ЗУУН МЯНГА. Нэг теравайт, мөн хоёр санах ой картаар дүүрэн зураг хэмээн та төсөөл дөө.
Энэ их зургаас тохиромжтойг нь сонгоход гурван сар хагасын хугацаа шаардагдсан. Түүнчлэн дараа нь эдгээр зургуудаа монтажлахад хоёр долоо хоног. Хэдэн мянган зургаас сонгож, 23 минутын "LostWorldMongolia” богино хэмжээний киногоо хийхэд надад дөрвөн сарын хугацаа шаардагдлаа. Цорын ганц хүсэлт энэхүү бичлэгийг том дэлгэцээр үзэхийг танд зөвлөж байна. Надад итгээрэй" гэжээ.
Дашрамд хэлэхэд Денис Французов авсан зургуудаа ашиглан таймлапс зургийг бий болгосноор бичлэг мэт харагдаж байгаа юм. Тодруулбал нэг секундэд хэдэн арван зураг багтаан өндөр нягтаршилтай хэмжээтэй таймлапс болгон хөрвүүлж, та бүхэнд сонирхуулж буй дараах нүд баясгам бүтээлийг бүтээжээ.
